महिलांची धुमस्टाईल सोन्याची चैन चोरी करणाऱ्या टोळीला स्थानिक गुन्हे शाखेने ठोकल्या बेड्या, 7 लाखांच्या मुद्देमालासह 13 गुन्हे उघड..

उपसंपादक – रणजित मस्के

नंदुरबार :- मागील काही दिवसांपा सून नंदुरबार तसेच महाराष्ट्रातील इतर जिल्ह्यात सोनसाखळी चोरीचे गुन्हे घडत होते. नंदुरबार शहरातील उपनगर परिसरातील गिरीबिहार गेट भागात एकापाठोपाठ 2 सोनसाखळी चोरीच्या घटना घडल्यामुळे धुमस्टाईल सोनसाखळी (चेन स्नॅचिंग) चोरीच्या गुन्ह्यांमधील आरोपीतांना अटक करुन मुद्देमाल हस्तगत करण्याचे आव्हान पोलीसांसमोर होते.

नंदुरबार जिल्ह्याचे पोलीस अधीक्षक श्री. पी. आर. पाटील यांनी सोनसाखळी चोरीच्या गुन्ह्यांचे गांभीर्य लक्षात घेवून गुन्ह्यातील आरोपीतांना अटक करुन गुन्ह्यातील चोरीस गेलेला मुद्देमाल हस्तगत करण्याचे व कडक प्रतिबंधक कारवाई करणेबाबत स्थानिक गुन्हे शाखेला व जिल्ह्यातील सर्व पोलीस ठाणे प्रभारी अधिकारी यांना मासिक गुन्हे बैठकीत दिले होते.

दिनांक 11/07/2023 रोजी दुपारी 13.00 वाजेच्या सुमारास महिला नामे सौ. रजनी सुधीर पाटील,

वय 56 वर्ष, धंदा-किराणा दुकान, राहणार जनतापार्क लिंकरोड नवापुर यांचे दुकानात दोन अज्ञात

इसमांनी त्यांच्या दुकानात खरेदी करण्याच्या बहाण्याने त्यांना बोलण्यांत गुंतवुन ठेवुन दोन अज्ञात

इसमांपैकी एका इसमाने त्यांच्या गळयातील सोन्याची मंगलपोत ही जबरीने ओढुन नेल्याने त्यांनी नवापुर

पोलीस ठाणे गु.र.नं. 339/2023 भा.दं.वि. कलम 392, 34 प्रमाणे गुन्हा नोंद करण्यात आला होता.

सदर घटनेची माहिती पोलीसांना मिळताच नंदुरबार विभागाचे उप विभागीय पोलीस अधिकारी श्री. संजय महाजन, स्थानिक गुन्हे शाखेचे पोलीस निरीक्षक श्री. किरणकुमार खेडकर, नवापूर पोलीस ठाण्याचे पोलीस निरीक्षक श्री ज्ञानेश्वर वारे तसेच स्थानिक गुन्हे शाखा व नवापूर पोलीस ठाण्याचे पोलीस अधिकारी व पोलीस अमलदार यांनी तात्काळ घटनास्थळी रवाना झाले. तसेच तात्काळ जिल्ह्यातील सर्व ठिकाणी व नवापूर पोलीस ठाण्याला लागून असलेल्या गुजरात राज्यातील पोलीस ठाण्यांना देखील नाकाबंदी लावण्यात आली.

नंदुरबार जिल्ह्याचे पोलीस अधीक्षक श्री. पी. आर. पाटील हे सदरच्या गुन्ह्यावर लक्ष ठेवून होते.

तसेच वेळोवेळी पोलीस अधिकाऱ्यांना मार्गदर्शन करीत होते. गुन्हा दाखल झाल्यानंतर नंदुरबार जिल्ह्याचे

पोलीस अधीक्षक श्री. पी. आर. पाटील यांनी स्थानिक गुन्हे शाखेचे दोन वेगवेगळे पथके तयार करुन
घडलेल्या गुन्ह्याचा समांतर तपास करुन गुन्हा उघडकीस आणून गुन्ह्यातील आरोपी व मुद्देमाल हस्तगत करणेबाबत आदेशीत केले.

स्थानिक गुन्हे शाखेचे व नवापूर पोलीस ठाण्याची पथके नवापुर ते विसरवाडी पोलीस ठाणे च नवापुर ते सोनगढ़ (गुजरात राज्य) या रोडावर गस्त तसेच नाकाबंदी करीत असतांना, RTO नाका नवापुर येथे एक संशयीत वाहन सोनगढ ते महाराष्ट्र राज्याकडे भरधाव वेगाने येतांना दिसले. स्थानिक गुन्हे शाखेच्या पथकाने सदर वाहन थांबविण्याचा प्रयत्न केला असता सदर वाहन चालकाने वाहन न थांबविता नाकाबंदी चुकवून पळून जाण्याचा प्रयत्न केला. म्हणून स्थानिक गुन्हे शाखेच्या पथकाला संशय आल्याने सदर वाहनाचा पाठलाग करून वाहनास काही अंतरावर थांबविले. वाहनातील इसमांना खाली उतरवून त्यांचे नाव गाव विचारले असता 1) अब्बास ईबाबत शेख ( ईराणी), वय 20 वर्ष, रा. रजा टॉवर जवळ, पापानगर भुसावळ, ता. भुसावळ जि. जळगाव, 2) सादीक ईबाबत शेख (इराणी), वय 23 वर्ष, रा. रजा टॉवर जवळ, पापानगर भुसावळ, ता. भुसावळ जि. जळगाव, 3) सखी मोहम्मद खान ( ईराणी), वय- 34 वर्ष, रा. मुस्लीम कॉलनी, भुसावळ ता. भुसावळ जि. जळगाव, 4) एक अल्पवयीन मुलगा तसेच वाहन चालक 5) अनिल शामराव सोनवणे, वय-44 वर्ष, रा. अंजाळा ता. यावल जि. जळगाव असे सांगितले.

ताब्यात घेण्यात आलेल्या इसमांचे वर्णन दिनांक 11/07/2023 रोजी नवापुर शहरातील जनतापार्क येथे झालेल्या सोनसाखळी चोरीतील अज्ञात इसमांशी मिळतेजुळते वाटल्याने त्यांना ताब्यात घेवून अधिक विचारपूस केली असता त्यांनी दिनांक 11/07/2023 रोजी नवापुर शहरात जनतापार्क येथे त्यांचा एक साथीदाराच्या मदतीने मोटर सायकल वाहनावर अब्बास शेख (इराणी) व एक अल्पवयीन मुलाने मिळून एका दुकानातील महिलेच्या गळ्यातून चैन ओढून पळून गेल्याचे सांगितले तसेच त्यांना इतर ठिकाणी कोठे या प्रकारचे गुन्हे केले आहे काय ? या बाबत विचारपुस केली असता त्यांनी दिनांक 11/07/2023 रोजीच गुजरात राज्यातील व्यारा शहरात व पलसाना शहरात अब्बास इवावत शेख (इराणी) व त्यांच्या फरार साथीदाराच्या मदतीने महिलांच्या गळ्यातून सोनसाखळी चैन ओढून पळून गेलेबाबत सविस्तर माहिती दिली.

ताब्यात घेण्यात आलेले इसम व वाहनाची तपासणी केली असता त्यांच्या ताब्यातून खालील वर्णनाचा व किमतीचा मुद्देमाल हस्तगत करण्यात आलेला आहे.

1) 90,000/- रु. कि.ची एक 20 ग्रॅम वजनाची गळ्यातील मंगलपोत, 2) 67,500/- रु. कि.ची एक काळे मणी असलेली 15 ग्रॅम वजनाची गळ्यातील मंगलपोत.

(3) 32,500/- रु. किं.चे 5 विविध कंपनीचे मोबाईल

4) 5 लाख रु. कि. ची एक मारुती सुझुकी कंपनीची डिझायर पांढऱ्या रंगाची MH-19-CU-6489

तसेच ताब्यातील संशयीत आरोपीतांना यापूर्वी नंदूरबार जिल्ह्यात तसेच इतर जिल्ह्यात

सोनसाखळी चोरीचे गुन्हे केले आहे अगर कसे ? या बाबत अधिक विचारपुस केली असता त्यांनी

नंदुरबार व जळगांव जिलात येथे सोनसाखळी (चैन स्नॅचिंग) चोरीचे गुन्हे केल्याची सविस्तर माहिती दिली. त्याबाबत माहिती घेतली असता खालीलप्रमाणे गुन्हे उघडकीस आणण्यात स्थानिक गुन्हे शाखेच्या पथकाला यश आले आहे.

1) नवापुर पोस्टे गुरनं 339/2023 भादंवि कलम 392,34 प्रमाणे
2) उपनगर पोस्टे गुरनं 187/2023 भादंवि कलम 392,24 प्रमाणे

3) उपनगर पो स्टे गुरनं 185/2023 भादंवि कलम 394, 34 प्रमाणे

4) नंदुरबार शहर पो.स्टे. गुरनं 123/2023 भादवि कलम 392, 34 प्रमाणे 5) नंदुरबार शहर पो.स्टे. गुरनं 500/2022 भादवि कलम 392, 34 प्रमाणे 6) रामानंद नगर पो.स्टे. जि. जळगाव गुरनं 221/2023 भादंवि कलम 392.34 प्रमाणे 7) जळगाव तालुका पो.स्टे. जि. जळगाव गुरनं 177/2023 भादंवि कलम 392,34 प्रमाणे 10) यावल पो.स्टे, जि. जळगाव गुरनं 327 / 2023 भादंवि कलम 392,34 प्रमाणे 11) चाळीसगाव शहर पो.स्टे. जि. जळगाव गुरनं 271/2023 भादंवि कलम 392.34 प्रमाणे 12) पलसाना पोलीस ठाणे जि. सुरत गुजरात गु.र.नं. 703/2023 भा.द.वि. कलम 379 प्रमाणे

8) चोपड़ा शहर पो. स्टे, जि. जळगाव गुरनं 356/2023 भादंवि कलम 392.34 प्रमाणे (9) भुसावल बाजारपेठ पो.स्टे. जि. जळगाव गुरनं 292 / 2023 भादंवि कलम 392.34 प्रमाणे

ताब्यात घेण्यात आलेल्या आरोपीताकडून 1 लाख 57 हजार 500 रुपये किमतीचे 35 ग्रॅम वजनाच्या दोन सोन्याच्या चैन, 32 हजार 500 रुपयांचे पाच मोबाईल व 5 लाख रुपये किमतीचे एक चारचाकी वाहन असा एकुण 7,00,000/- रुपये किमतीचा मुद्देमाल कायदेशीर प्रक्रिया करुन हस्तगत करून नाशिक परिक्षेत्रातील व गुजरात राज्यातील सोनसाखळी चोरी (चेन स्नॅचिंगचे) एकुण 13 गुन्हे उघडकीस झाले आहेत. तसेच पाचही आरोपीतांना गुन्ह्याच्या पुढील तपासकामी नवापूर पोलीस ठाण्याच्या ताब्यात देण्यात आले आहे.

ताब्यात घेण्यात आलेला सराईत आरोपी नामे ) सादीक ईबाबत शेख ( ईराणी) याचे विरुद् जळगांव, बीड, बुलडाणा, अहमदनगर व मध्य प्रदेश राज्यातील देवास जिल्ह्यात असे एकूण 32 गुन्हे 2) अब्बास अली ईबाबत अली याचेविरुद् 01 गुन्हा 3) सखी मोहम्मद ईराणी याचेविरुध्द् 02 गुन्हे 4)

अल्पवयीन मुलाविरुध्द मालमत्तेविरुध्दचे 02 गंभीर गुन्हे दाखल आहेत. कौशल्यपूर्वक तपास करुन जबरी चोरीसारखा मालमत्तेविरुध्दचा आव्हानात्मक गंभीर गुन्हा अवघ्या चार तासात उघड करुन नवापूर येथील गुन्ह्यातील व गुजरात राज्याच्या पलसाना येथे झालेल्या घटनेतील मुद्देमाल हस्तगत करून उत्कृष्ट कामगिरी करणान्या स्थानिक गुन्हे पथकाला नंदुरबार जिल्ह्याचे

पोलीस अधीक्षक श्री. पी. आर. पाटील यांनी रोख बक्षीस जाहीर केले.

गुन्ह्यातील एका फरार आरोपीताचा शोध घेणेसाठी पथके तयार करण्यात आले असून लवकरच त्याला देखील बेड्या ठोकण्यात येतील. तसेच आणखी काही गुन्हे उघडकीस येण्याची शक्यता आहे असे नंदुरबार जिल्ह्याचे पोलीस अधीक्षक श्री. पी. आर. पाटील यांनी सांगितले.

सदरची कामगिरी ही नंदुरबार जिल्ह्याचे पोलीस अधीक्षक श्री. पी. आर. पाटील, अपर पोलीस अधीक्षक श्री. निलेश तांबे, नंदुरबार विभागाचे उप विभागीय पोलीस अधिकारी श्री. संजय महाजन यांचे मार्गदर्शनाखाली स्थानिक गुन्हे शाखेचे पोलीस निरीक्षक किरणकुमार खेडकर, नवापूर पोलीस ठाण्याचे पोलीस निरीक्षक श्री. ज्ञानेश्वर वारे, स्थानिक गुन्हे शाखेचे सहा. पोलीस निरीक्षक श्री. संदीप पाटील, पोलीस उप निरीक्षक श्री. हेमंत मोहिते, पोलीस हवालदार महेंद्र नगराळे, जितेंद्र तांबोळी, पोलीस नाईक

राकेश मोरे, मोहन ढमढेरे, जितेंद्र तोरवणे, हॅमत सैंदाणे, पोलीस अंमलदार विजय हिवरे, अभय राजपुत, आनंदा मराठे यांच्या पथकाने केली आहे.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com