महाड एमआयडीसी मधील लासा कंपनीमध्ये ५ लाख रुपये किंमतीच्या यंत्रसामग्रींची चोरी…
उपसंपादक-राकेश देशमुख
महाड :-महाड एमआयडीसी पोलीसांनी संग्राम महाडिक, नसीम खान दोघा चोरांना ठोकल्या बेड्या
महाड एमआयडीसी हद्दीत चोरीचे प्रमाण दिवसेंदिवस वाढत चालले असले तरी चोरांच्या मुसक्या आवळण्यात महाड एमआयडीसी पोलीस अग्रेसर राहिले आहेत, महाड एमआयडीसी मधील लासा सुपर जनेरीक लिमिटेड कंपनीत काल अज्ञात चोरट्यांनी चार लाख रुपये किंमतीचा एस एस, ३१६ सेफ्टीफयुजचे एक कव्हर व एक लाख रुपये किंमतीचे मोटार कव्हर असे एकूण पाच लाख रुपये किंमतीच्या यंत्रसामग्रीची चोरी झाल्याची तक्रार मंगळवार दिनांक २ एप्रिल रोजी महाड एमआयडीसी पोलीस ठाण्यात करण्यात आली होती .
महाड एमआयडीसी पोलीस ठाण्याचे सहाय्यक पोलीस निरीक्षक जीवन माने व पीएसआय फडतरे यांच्या मार्गदर्शनाखाली पोलिस हवालदार गोरेगावकर, पोलीस हवालदार अंबरगे व पोलीस नाईक इक्बाल शेख यांनी तपासाचे चक्र फिरवून सापळा रचून दोघा चोरांना मोठ्या शिताफीने पकडले आहे, संग्राम सदानंद महाडीक राहणार इसाने कांबळे तालुका महाड व नसीम मोहम्मद खान राहणार जिते तालूका महाड असे आरोपींचे नावे आहेत महाड एमआयडीसी पोलीसांनी केलेल्या जिगरबाज कामगिरीचे तालुक्यात एकच चर्चा सुरू आहे.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
