ग्रामसुरक्षा यंत्रणेच्या तात्काळ व प्रभावी वापरामुळे चोरीचा प्रयत्न फसला.. -

Spread the love

उपसंपादक-रणजित मस्के

सातारा :-शनिवार 09/03/2024 रोजी फलटण ग्रामीण पोलीस स्टेशन हद्दीतील टाकळकरवाडी ता. फलटण, जिल्हा_सातारा गावात रात्री 3 वाजता गावातील श्री दिगंबर नन्नवरे आणि श्री गणेश पवार यांच्या घरी 5-6 चोर चोरीच्या उद्देशाने आलेले आहेत ,हे लक्षात येताच गावातील पोलीस पाटील श्री संदीप झगडे यांनी घटनेचे गांभीर्य लक्षात घेता,तात्काळ ग्राम सुरक्षा यंत्रणेद्वारे (18002703600)सर्व गावाला ही माहिती कळवली. त्यामुळे तात्काळ गावकरी घटनास्थळी दाखल झाले.

संपूर्ण गाव सतर्क झाल्याचे लक्षात येताच चोर अंधाराचा फायदा घेऊन पळून गेले व पुढील अनर्थ टळला.