मालकाने गुजरातला पाठवण्यासाठी 35 लाखाची रोकड घेऊन पळणारया आरोपीस कांदिवली पोलीसांनी ठोकल्या बेड्या…
उपसंपादक-रणजित मस्के
कांदिवली: कांदिवली पोलीसांकडून मिळालेल्या माहितीनुसार मालकाने गुजरातला पाठवण्यासाठी रोकड दिली होती.
बोरिवली येथे राहणाऱ्या हेमंत अरुण मेहता नावाच्या व्यावसायिकाने 6 जानेवारी 2023 रोजी आपल्या नोकराला अंगडियाने येथून गुजरातला पाठवण्यासाठी 35 लाखांची रोकड दिली होती. आरोपीसह व्यावसायिकाचा आणखी एक जुना नोकर होता.
इमारतीच्या सुरक्षारक्षकाने नावाची एन्ट्री करण्यास सांगितले
हे दोघेही पैसे घेऊन कांदिवली पश्चिम येथील लालजी पाडा येथील साई धाम कॉम्प्लेक्समध्ये पोहोचले. इमारतीतील सुरक्षा रक्षकाने त्यांना अडवून डायरीत नावे टाकण्यास सांगितले.
जुना नोकर दुचाकीवरुन खाली उतरताच आरोपी पैसे घेऊन फरार
डायरीत नाव टाकण्यासाठी व्यावसायिकाचा जुना नोकर दुचाकीवरून खाली उतरला. हीच संधी साधत नवीन नोकर पंकड सिंग हा 35 लाखांची रोकड भरलेली बॅग घेऊन पळून गेला.
कांदिवली पोलिसांनी तात्काळ सूत्रे हलवत आरोपीला पकडले आहे.
घटनेची माहिती मिळताच कांदिवली पोलिसांनी तात्काळ सूत्रे हलवत आरोपीचा शोध सुरू केला. तांत्रिक तपास करत पोलिसांनी आरोपीला कल्याण येथून अटक करत चोरी केलेल्या रकमेपैकी 27 लाखांची रोकड जप्त केली आहे.
पैसे घेऊन आरोपी मुंबईहून बसने कल्याण गेला. कल्याणहून उज्जैनला जाणारी ट्रेन पकडण्याच्या प्रयत्नात आरोपी होता. त्यानंतर तो यूपीला पळून जाणार होता. मात्र कांदिवली पोलिसांच्या पथकाने वेगात कारवाई करत आरोपीला महाराष्ट्राबाहेर जाण्यापूर्वीच पकडले आहे.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
