स्वारगेट विभाग अंमली पदार्थाची तस्करी करणा-या गुन्हेगार टोळीच्या पोलीसांनी आवळल्या मुसकया..
स्वारगेट
सह संपादक -रणजित मस्के
दिनांक १९/०६/२०२५ रोजी स्वारगेट बस स्टॅन्ड येथे एक सडपातळ इसम, दाढी राखलेली, मानेवर इंग्रजीमध्ये टॅटयु काढलेला, डोक्यावर काळी टोपी, काळी पॅन्ट घातलेला असुन तो स्वारगेट एस.टी. स्टॅन्ड येथुन वेळापुर येथे जाण्यासाठी बस पकडण्यासाठी स्वारगेट एस.टी स्टॅण्ड येथे उभा आहे. त्याच्या हातात चॉकलेटी कलरची बॅग असून त्या बॅगमध्ये गांजा सारखा अंमली पदार्थ आहे अशी खबर पोलीस अंमलदार राहुल होळकर, विक्रम सांवत, यांना मिळाली होती. त्यामुळे सदर इसमास ताब्यात घेण्यासाठी सापळा लावून स्वारगेट बसस्टॅन्ड येथे स्टाफ रवाना करण्यात आला. सदर इसमास पंढरपुर बस स्टॉप येथे शोधुन बेंगबाबत विचारणा करताच तो बेंग सोडुन पळुन लागला त्यास पोलीस अंमलदार राहुल होळकर, नवनाथ शिंदे व स्वारगेट बस स्थानक डयुटीवरचे पोलीस अंमलदार विक्रम सावंत यांनी पाठलाग करुन शिताफीने पकडले आहे. सदर इसमाचे नाव नितीन नरसिंह पाल वय-२३ वर्ष रा. ग्रीन सिटीच्या पाठीमागे वेळापुर जिल्हा-सोलापुर असे आहे.
त्याच्या ताब्यातील चॉकलेटी रंगाची बॅग स्वतः पंचासमक्ष तपासणी करता गांजा सारखा अंमली पदार्थ मिळुन आला. सदर इसमास ताब्यात घेवुन विचारपुस केली असता त्याने आणखी ०२ साथीदार नामे अल्ताफ ईलाई तांबोळी वय-२८ वर्ष रा. ग्रीनसिटीच्या पाठीमागे वेळापुर ता. माळशिरस जि. सोलापुर व विठ्ठल ऊर्फ दादा हरी शिवपाल वय-३१ वर्ष रा. आंबेडकरनगर वेळापुर ता. माळशिरस जि. सोलापुर यांच्या मार्फतीने सदर माल विक्रीसाठी पुण्यात घेवुन आल्याचे तपासात सागितले. सदर मालाचा उर्वरीत साठवा इन्होव्हा क्रिस्टा गाडी नंबर-एम.एच.४५ए.डी.३३३३ या गाडीत साठा करुन ठेवला असलेबाबत माहिती दिल्याने सदरबाबत वरिष्ताच्या मार्गदर्शनाखाली मा. सहायक पोलीस आयुक्त, स्वारगेट विभाग श्री. राहुल आवारे यांनी एक विशेष पथक तयार करुन बंडगार्डन पोलीस ठाण्याचे पोलीस निरीक्षक श्री. संपतराव राऊत, पोलीस अंमलदार राहुल होळकर, विक्रम सांवत, फिरोज शेख, सुजय पवार यांना वेळापुर, पंढरपुर या भागात रवाना करुन संशयीत आरोपींच्या मोबाईलचे तांत्रीक विश्लेषणाच्या आधारे शोध घेवून पकडले. सदर कारवाईमध्ये खालील प्रमाणे मुद्देमाल माल जप्त करण्यात आलेला आहे.
१. एकुण १,२१,०००/- एक लाख एकवीस हजार रुपये किंमतीचा ६ किलो गांजा हा अंमली
पदार्थ,
२. एकुण १५,००,०००/- गांजा या अंमली पदार्थाची वाहतुक करण्यासाठी वापरलेली गाडी इन्होव्हा क्रिस्टा गाडी नंबर-एम. एच.४५ए.डी.३३३३ जु.वा.कि.अं.
३.
एकुण २५,०००/- रुपये किंमतीचे आरोपींचे जप्त मोबाईल एकुण ०३ जु.वा.कि.अं.
-एकुण १६,४६,०००/-
सदरची कामगिरी मा.अपर पोलीस आयुक्त, पश्चिम प्रादेशीक विभाग, पुणे, श्री. राजेश बनसोडे मा. पोलीस उप आयुक्त परिमंडळ २. श्रीमती स्मार्तना पाटील यांचे मार्गदर्शनाखाली मा. सहायक पोलीस आयुक्त स्वारगेट विभाग श्री. राहुल आवारे यांनी कारवाई कामी नेमलेल्या विशेष पथकातील पोलीस निरीक्षक, गुन्हे बंडगार्डन पो.स्टे श्री. संपतराव राऊत, पोलीस उपनिरीक्षक सुर्यकात सपताळे, पोलीस अंमलदार राहुल होळकर, विक्रम सांवत, फिरोज शेख, सुजय पवार, नवनाथ शिंदे तसेच महिला पोलीस हवालदार प्रिती मोरे, सुजाता दांगट, सहा. पो. फौ. राजेश गोसावी, विजय लोयरे यांच्या पथकाने केली.
