शिरवळ पोलीसानी कवटीवरुन गुठाळे येथील युवतीच्या खुन प्रकरणी सख्ख्या भावाच्या आवळल्या मुसक्या..

उपसंपादक – रणजित मस्के

सातारा :- मौने गुठाळे ता खंडाळा येथील गट नंबर २३७ यामध्ये दिनांक १६/१२/२०२३ रोजी मानवी हाडयांचे अवशेष आढळले होते. त्यानुसार शिरवळ पोलीस ठाणे याठिकाणी अकस्मात मयत नंबर ६५/२०२३ सीआरपीसी १७४ प्रमाणे दाखल करण्यात आलेले होते. घटनास्थळाची पाहणी करता घटनास्थळाच्या आजू-बाजूस मिळून आलेले लेडीज सॅन्डल, कपडयांची बॅग व त्यामधील खाजगी कंपनीचा गणवेष यावरुन मिळालेले साहित्याची ओळख पटवून नातेवाईकांचा शोध घेवून मानवी हाडांचे अवशेष हे शिरवळ येथील मयत युवती मनिषाकुमारी जिमदार महतो वय १९ वर्ष मुळ रा. मांझी मियापट्टी माझी सारन जि, छपरा राज्य बिहार हल्ली रा. शिरवळ ता खंडाळा जि. सातारा हिचे असल्याचे तिचे नातेवाईकांनी ओळखले.

यावेळी सदरील घटनाही घातपात असण्याची शक्यता गृहीत धरुन शिरवळ पोलीसांनी वरिष्ठांच्या आदेशानुसार विविध अंगाने तपास करीत असताना घडलेली घटना हि मयत युवती मनिषाकुमारी जिमदार महतो वय १९ वर्ष मुळ रा. मांझी मियापट्टी माझी सारन जि. छपरा राज्य बिहार हल्ली रा. शिरवळ ता खंडाळा जि. सातारा हिचे बिहार येथील गावातील युवकासोबत प्रेमसंबंध असल्याचे कारणातून व गावात बदनामी होत असल्याने मयत युवती मनिषाकुमारी तिचा भाऊ याला सदरील प्रेमसंबंध पसंत नसल्याचे कारणातून मयत युवती मनिषाकुमारी महतो हिचा स्कार्पने गळा आवळून खुन केल्याचे तपासामध्ये निष्पन्न झाले आहे.

त्यावरुन शिरवळ पोलीस वाणे गु.र.नं. ३७९/२०२३ भा.दं.वि.क. ३०२,२०१ प्रमाणे गुन्हा दाखल करण्यात आलेला आहे.
शिरवळ पोलीस ठाणे हद्दीमधील मौजे गुठाळे ता खंडाळा जि. सातारा याठिकाणी दि. १६/१२/२०२३ रोजी मानवी हाडयांचे अवशेष आढळून आले होते. त्यानुसार घटनेचे गांभीर्य लक्षात घेवून सातारा पोलीस अधीक्षक श्री. समीर शेख, अपर पोलीस अधीक्षक श्रीमती आँचल दलाल, फलटण पोलीस उपविभागीय अधिकारी श्री. राहुल धस, यांनी शिरवळ पोलीस ठाणे पोलीस निरीक्षक नवनाथ मदने यांना सदरील गुन्हा उघडकीस आणण्याच्या सुचना दिल्या होत्या. त्यानुसार नवनाथ मदने यांच्या नेतृत्वा खाली सहा. पोलीस निरीक्षक श्री.सी.व्ही.केंद्रे, पोलीस उपनिरीक्षक श्री. शंकर पांगारे, श्री. सतीश आंदेलवार, पोलीस अंमलदार संजय धुमाळ, जितेंद्र शिंदे, सचिन वीर, सुरेश मोरे, तुषार कुंभार, प्रशांत धुमाळ, मंगेश मोझर, सुरज चव्हाण यांच्या पचकाने गोपनीय माहिती, तांत्रिक विश्लेषणाच्या आधारे कौशल्यपुर्ण तपास करीत सदरील गुन्हा उघडकीस आणलेला आहे. याप्रकरणी मयताचा भाऊ याला शिरवळ पोलीसांनी अटक केली असून यामध्ये आणखी कोणाचा सहभाग आहे काय याबाबतचा तपास शिरवळ पोलीस करीत आहेत.

या घटनेचा अधिक सपोनि. सी.व्ही. केंद्रे हे करीत आहेत. सदरचा गुन्हा उघडकीस आणल्याबद्दल सहभागी सर्व पोलीस अधिकारी व पोलीस अंमलदार यांचे श्री. समीर शेख, पोलीस अधीक्षक सातारा, श्रीमती आंचल दलाल, अपर पोलीस अधिक्षक यांनी अभिनंदन केले आहे.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com