सातारा जिल्हा पोलीस दलातर्फे सुशिक्षित बेरोजगार युवकांसाठी विशेष अशा उंच भरारी योजनेचे आयोजन…
उपसंपादक – रणजित मस्के
सातारा :- सातारा जिल्हयातील सुशिक्षीत व बेरोजगार युवकांना योग्य मार्गदर्शन व संधी उपलब्ध करुन त्यांच्या कल्याणासाठी तसेच विकासासाठी समुपदेशन, मानसोपचार, शिक्षण, कौशल्य विकास, खेळ, रोजगार अशा तरतुदी करणेसाठी उंच भरारी योजना सातारा जिल्हा पोलीस दलामार्फत राबविण्यात येत आहे.
त्यामध्ये सातारा जिल्हयातील १८ ते ३० या वयोगटातील युवक, युवती व त्यांचे पालक यांचेशी संवाद साधुन त्यांना त्यांच्या आवडीनुसार नोकरी किंवा रोजगार उपलब्ध करुन देणे, तसेच त्यांना स्वतःच्या व्यवसायाकरीता कौशल्य विकास प्रशिक्षण देण्यात येणार आहे.
आज दिनांक २३/१२/२०२३ रोजी प्रथम एज्युकेशन फाऊंडेशन कोल्हापूर व उदय गुजर फाऊंडेशन विंग, ता. शिरवळ यांचे माध्यमातुन ४५ व ३० दिवसांचे प्रशिक्षणाकरीता सातारा जिल्ह्यातुन १. दुचाकी मॅकेनिक, २. वेल्डींग व ३. असिस्टंट इलेक्ट्रीशियन या कोर्सचे प्रशिक्षणाकरीता एकुण ५५ युवक व युवतींना कोल्हापुर परिक्षेत्राचे विशेष पोलीस महानिरीक्षक श्री. सुनिल फुलारी यांनी मार्गदर्शन केले. त्यावेळी मा. पोलीस अधीक्षक, श्री. समीर शेख व मा. अपर पोलीस अधीक्षक श्रीमती आंचल दलाल यांनी विशेष पोलीस महानिरीक्षक श्री. सुनिल फुलारी यांना उंच भरारी योजनेचा उद्देश व प्रसार याबाबत सविस्तर माहिती दिली. त्यानंतर विशेष पोलीस महानिरीक्षक श्री. सुनिल फुलारी यांचेहस्ते हिरवा झेंडा दाखवुन सर्व युवकांना वाहनातुन कोल्हापूर व शिरवळ येथे प्रशिक्षणाकरीता रवाना केले.
सातारा जिल्हा पोलीस व प्रथम एज्युकेशन फाऊंडेशन प्रशिक्षण संस्था सातारा यांचे संयुक्त विद्यमानाने १. दुचाकी रिपेअरिंग मॅकेनीकल, २. चारचाकी रिपेअरिंग/मैंकेनीकल ३. हॉटेल मॅनेजमेंट, ४. असिस्टंट इलेक्ट्रीशियन, ५. प्लंबिंग व ६. वेल्डींग या कोर्सचे प्रशिक्षणाकरीता कोल्हापूर, भोर, अहमदनगर व छत्रपती संभाजीनगर या ठिकाणी पाठविण्यात आले आहे. आजअखेर उंच भरारी उपक्रमाअंतर्गत एकुण ५९५ युवक व युवतींना प्रशिक्षण व रोजगार प्राप्त झालेला आहे. तसेच या योजनेत समाविष्ट झालेल्या इतर युवकांना त्यांच्या आवडीनुसार नोकरी किंवा रोजगार तसेब त्यांना स्वतःच्या व्यवसायाकरीता कौशल्य विकास प्रशिक्षण देण्यात येणार आहे.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
