नाशिक परिक्षेत्राचे विशेष पोलीस महानिरीक्षक श्री.बी. जी. शेखर पाटील यांचे हस्ते म्हसावद पोलीस ठाणे अंतर्गत रायखेड पोलीस चौकीचे उद्घाटन..!!

उपसंपादक – रणजित मस्के

नंदुरबार :- नाशिक परिक्षेत्राचे विशेष पोलीस महानिरीक्षक मा. डॉ. श्री. बी. जी. शेखर पाटील हे दिनांक 27/12/2023 पासून नंदुरबार जिल्हा पोलीस दलाच्या वार्षिक तपासणीसाठी नंदुरबार येथे आले आहेत, या वार्षिक तपासणी दरम्यान विविध उपक्रमांचे व नूतनीकरण झालेल्या वास्तूंचे यावेळी उद्घाटन करण्यात येत आहे.

नंदुरबार जिल्ह्याचे पोलीस अधोक्षक श्री.पी. आर. पाटील यांनी म्हसावद पोलीस ठाणे हद्दीतील रायखेड येथे भेट दिली असता, रायखेड येथील पोलीस चौकी अत्यंत जीर्ण झालेली असून ती पडक्या अवस्थेत असल्याचे निदर्शनास आल्यानंतर त्यांनी महसावद पोलीस ठाण्याचे सहा. पोलीस निरीक्षक श्री. राजन मोरे यांना रायखेड येथे नवीन पोलीस चौकी उभारणीबाबत प्रस्ताव सादर करणेबाबत सांगितले. त्याप्रमाणे म्हसावद पोलीस ठाण्याचे सहा. पोलीस निरीक्षक श्री. राजन मोरे यांनी रायखेड गावातनवीन पोलीस चौकी उभारणीबाचत कार्यवाही करत ग्रामपंचायत, ग्रामसेवक, सरपंच, रायखेड गावातील प्रतिष्ठीत नागरिक व ग्रामस्थ यांचेशी चर्चा करुन नवीन पोलीस चौकी बांधणीबाबतचाप्रस्ताव नंदुरबार जिल्ह्याचे पोलीस अधीक्षक श्री.पी.आर. पाटील यांचेकडे मांडली त्यांनी देखील त्यावर तात्काळ कारवाई करत नवीन पोलोस चौको उभारणीसाठी सहमती दिली.

नाशिक परिक्षेत्राचे विशेष पोलीस महानिरीक्षक मा. डॉ.श्री. बी. जी. शेखर पाटील हे म्हसावद पोलीस ठाणे येथे वार्षिक तपासणीनिमित्त आले असता म्हसावद पोलीस ठाणे हद्दीतोल रायखेड येथे उभारण्यात आलेल्या प्रशस्त अशा नवीन पोलीस चौकोचे उद्घाटन दिनांक 28/12/2023 रोजी त्यांचे हस्ते करण्यात आले. नाशिक परिक्षेत्राचे विशेष पोलीस महानिरीक्षक मा.श्री. डॉ. बी. जी. शेखर पाटील यांचे म्हसावद पोलीस ठाणे हद्दीतील रायखेड येथे आगमन होताच भारतीय पंरपरा व रितीरिवाजाप्रमाणे त्यांचे औक्षण करण्यात आले, त्यानंतर पंचक्रोशीतील ग्रामस्थांनी पारंपारीक वाद्यांच्या गजरात नृत्य करुन त्यांचे स्वागत केले, त्यानंतर कार्यक्रमाचे प्रमुख पाहुणेविशेष पोलीस महानिरीक्षक मा. श्री. डॉ. बी. जी. शेखर पाटील यांचा पोलीस अधीक्षक श्री.पी.आर. पाटील यांनी जिल्हा पोलीस दलाच्यावतीने तर पोलीस अधीक्षक श्री.पी. आर. पाटील यांचे शहादा उप विभागाचे उपविभागीय पोलीस अधिकारी श्री. दत्ता पवार यांनी पुष्पगुच्छ देवून स्वागत केले.

नाशिक परिक्षेत्राचे विशेष पोलीस महानिरीक्षक मा. डॉ. श्री. बी. जी. शेखर पाटील यांनी आपल्या उद्घाटनपर भाषणात सांगितले की, नागरिकांच्या संरक्षणाची जबाबदारी पोलीसांची असते आणि पोलीसांना नागरिकांच्या सहकार्याची गरज असून नव्याने उभारण्यात येणान्या पोलीस चौकोमुळे नागरिकांचे प्रश्न सुटण्यास मदत होणार आहे. भारत हा कृषीप्रधान देश असून भारताची जास्तीत जास्त लोकसंख्या खेड्यांमध्ये एकवटलेली आहे. पूर्वी खेड्या गावांची अवस्था खूप वाईट होती, परंतु कालांतराने शहरांप्रमाणेच खेड्या गावांचा देखील विकास होत गेला. त्यामुळे खेड्या गावांमध्ये देखील गुन्हेगारी वाढू लागली. समाजात शांतता, कायदा व सुव्यवस्था राहावी, प्रत्येकाला न्याय मिळावा यासाठी पोलीस दल महत्वाची भूमिका बजावितो.

रायखेड ग्रामस्थांनो जिल्हा पोलीस दलास रायखेड गावात पोलीस चौकी उभारणीसाठी नागा उपलब्ध करुन एक चांगली इमारत उभी केली, त्यामुळे म्हसावद पोलीसांची जबाबदारी देखील वाढलेली असून पोलीस प्रशासन आता अधिक गतिमानपणे काम करेल अशी अपेक्षा व्यक्त करुनरायखेड पोलीस चौकीसाठी जागा उपलब्ध करुन एक भव्य इमारत उभी करण्यासाठी मोलाचे सहकार्य करणारे रायखेड गावातील सरपंच, उपसरपंच, पोलीस पाटील, प्रतिष्ठीत नागरिक व ग्रामस्थांचे आभार व्यक्त केले.

नंदुरबार जिल्ह्याचे पोलीस अधीक्षक श्री.पी. आर. पाटील यांनी मनोगत व्यक्त करतांना सांगितले की,”रायखेड पोलीस चौकी अंतर्गत एकूण 17 गावांचा समावेश असून रायखेड हे गाव महाराष्ट्र व मध्यप्रदेश राज्याच्या सीमेवर असल्यामुळे येथे नेहमीच वर्दळ असते. परिसरातील नागरिक येथे बाजारानिमित्त येत असतात तसेच रायखेड येवून मध्यप्रदेश राज्यात जाणारा महामार्ग असल्यामुळे येथे अवजड वाहनांची देखील वाहतूक मोठ्या प्रमाणात असते. त्यामुळे काही वेळेस वाहतूकीचा खोळंबा होवून नागरिकांची व वाहन चालकांची गैरसोय होत असते. नागरिकांच्या संरक्षणाची जवाबदारी पोलीस दलाची आहे आणि ती जबाबदारी पार पाडण्यासाठी पोलीसांना सतत तेथे थांबणे आवश्यक असते. नव्याने उभारण्यात आलेल्या पोलीस चौकीमुळे नागरिकांना वेळीच मदत होणार असून नागरिकांना निश्चितच याचा फायदा होणार आहे. रावखेड पोलीस चौकीची इमारत ज्या ठिकाणी उभी आहे त्याठिकाणी अगोदर घाणिचे साम्राज्य होते, परंतु रायखेड ग्रामस्थ व म्हसावद पोलीसांच्या मेहनतीमुळे आज तेथे सुरक्षेचे मंदिर उभे राहिले आहे असल्याचे सांगून रायखेड पोलीस चौकोसाठी मोलाचे सहकार्य करणारे रायखेड गावाचे सरपंच श्रीमती उषाबाई ठाकरे, उपसरपंच श्री. मुन्ना पाटील, श्री. कैलास पाटील माजी सरपंच, प्रतिष्ठीत नागरिक श्री. हिरालाल पाटील, श्री. मुकेश टाटीया, श्री. अशोक जैन, श्री. शांतीलाल बाफना व समस्त रायखेड ग्रामस्थांचे आभार व्यक्त करुन अभिनंदन केले.

रायखेड गावातनवीन पोलीस चोकोचे उद्घाटन झाल्यामुळे परिसरातील नागरिकांमध्ये उत्साहाचे वातावरण असून समाधान व्यक्त करण्यात येत आहे.

कार्यक्रमाच्या शेवटी विशेष पोलीस महानिरीक्षक यांनी दिलेल्या सूचनांचद्दल म्हसावद पोलीस ठाण्याचे सहा. पोलीस निरीक्षक श्री. राजन मोरे यांनी जिल्हा पोलीस दलातर्फे विशेष पोलीस महानिरीक्षक यांचे आभार व्यक्त करुन नंदुरबार जिल्हा पोलीस दल भविष्यात देखोल अशीच भरीव कामगिरी करुन नागरिकांना तात्काळ मदत करु असे आश्वासन दिले.

सदर कार्यक्रमाच्या वेळी नाशिक परिक्षेत्राचे विशेष पोलीस महानिरीक्षक मा. डॉ. श्री. बी. जी. शेखर पाटील, नंदुरबार जिल्ह्याचे पोलीस अधीक्षक श्री. पी. आर. पाटील, अपर पोलीस अधीक्षक श्री, निलेश तांबे, शहादा विभागाचे उप विभागीय पोलीस अधिकारी श्री. दत्ता पवार, मा. विशेष पोलीस महानिरीक्षक यांचे वाचक पोलीस उप अधीक्षक श्री. ढिकले, श्री. स्थानिक गुन्हे शोखेचे पोलीस निरीक्षक श्री. किरणकुमार खेडकर, म्हसावद पोलीस ठाण्याचे सहा. पोलीस निरीक्षक श्री. राजन मोरे, रायखेड गावाचे सरपंच श्रीमती उषाबाई ठाकरे, उपसरपंच श्री. मुन्ना पाटील, श्री. कैलास पाटील माजी सरपंच, प्रतिष्ठीत नागरिक श्री. हिरालाल पाटील, श्री. मुकेश टाटीया, श्री. अशोक जैन, श्री. शांतीलाल वाफना यांचेसह रायखेड गावातील नागरिक व म्हसावद पोलीस ठाण्याचे पोलीस अधिकारी व अमंलदार उपस्थित होते.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com