परिमंडळ ३ कल्याण मध्ये नागरिकांचे गहाळ व चोरी झालेले 71 मोबाईलचे वितरण..

सह संपादक -रणजित मस्के

ठाणे

    परिमंडळ ३ कल्याण अंतर्गत सपोआ डोंबिवली विभागातील डोंबिवली पोलीस ठाणे, मानपाडा पोलीस ठाणे व  विष्णुनगर पोलीस ठाणे हद्दीतील नागरिकांचे वापरातील मोबाईल चोरी व गहाळ झाले होते. 
   नमूद गहाळ व चोरी झालेल्या मोबाईल फोनचा शोध घेणे बाबत मा.वरिष्ठांच्या सूचना प्राप्त झाल्या होत्या. त्याप्रमाणे  मा.श्री.आशुतोष डुंबरे, पोलीस आयुक्त ठाणे शहर, मा.श्री.संजय जाधव, अपर पोलीस आयुक्त, पूर्व प्रादेशिक विभाग कल्याण, मा.श्री अतुल झेंडे, पोलीस उप आयुक्त,परिमंडळ ३ कल्याण, मा.श्री सुहास हेमाडे, सहाय्यक पोलीस आयुक्त, डोंबिवली विभाग, डोंबिवली यांचे मार्गदर्शना खाली डोंबिवली पोलीस ठाणे, मानपाडा पोलीस ठाणे, विष्णुनगर पोलीस ठाणे  मध्ये तांत्रिक ज्ञान असलेले पोलीस अधिकारी व अंमलदार यांची पथके नियुक्त करण्यात आली होती. सदर पथकांनी सीईआयआर या पोर्टलचा वापर करून, तांत्रिक विश्लेषण करून, खालील प्रमाणे किंमतीचे गहाळ व चोरी झालेले मोबाईल फोन हस्तगत करण्यात आलेले आहेत.

१. डोंबिवली पोलीस स्टेशन – २३ मोबाईल
२. मानपाडा पोलीस ठाणे – २४ मोबाईल
३. विष्णू नगर पोलीस ठाणे २४ मोबाईल
असे एकूण ७१ मोबाईल फोन अंदाजे ₹ १२,२८,०००/- रुपये किंमतीचे संबंधित तक्रारदार यांना ओळख पटवून दिनांक ०५ जुलै २०२५ रोजी १२.०० वाजता लेवा भवन, मंगल कार्यालय, दत्तनगर, डोंबिवली पूर्व या ठिकाणी हस्तांतरित करण्यात आलेले आहेत. सदर कार्यक्रमा करिता श्री.सुहास हेमाडे, सपोआ डोंबिवली विभाग, डोंबिवली, तसेच मानपाडा, विष्णुनगर, डोंबिवली पोलीस ठाण्याचे वरिष्ठ पोलीस निरीक्षक, अधिकारी व अंमलदार उपस्थित होते.