बिरवाडी कुंभारवाडा येथे दारूच्या अति सेवनामुळे आणखी एकाचा मृत्यू..

उपसंपादक- राकेश देशमुख

महाड :– महाड तालुक्यातील बिरवाडी येथे मागील आठवड्यामध्ये एका 35 वर्षीय इसमाचा दारूच्या अतिसेवनामुळे मृत्यू झाल्याची घटना ताजी असतानाच आज याच विभागात एका 50 वर्षीय इसमाचा देखील दारूच्या अतिसेवनामुळे मृत्यू झाला आहे.

प्रकाश महादेव चव्हाण राहणार खरवली-बिरवाडी असे मृत झालेल्या इसमाचे नाव असून त्याला दारूचे अतिवेसन होते, पोलिसांच्या माहितीनुसार बिरवाडी कुंभारवाडा येथील पटवर्धन यांची जुनी बिल्डिंग तेथे प्रकाश चव्हाण याचा एक दिवस अगोदरच मृत्यू झाला असावा असा अंदाज पोलिसांनी वर्तविला आहे.

सदरचा मृतदेह बिरवाडी प्राथमिक आरोग्य केंद्र येथे शवविच्छेदनाकरिता पाठविण्यात आला असून महाड एमआयडीसी पोलीस ठाणे येथे आकस्मित मृत्यूची नोंद करण्यात आली आहे. महाड एमआयडीसी पोलीस ठाण्याचे सहाय्यक पोलीस निरीक्षक जीवन माने यांच्या मार्गदर्शनाखाली सहाय्यक उपनिरीक्षक ढेपे, पोलीस हवालदार आर.वी. जाधव, पोलीस शिपाई सुरनर या संपूर्ण घटनेचा अधिक तपास करीत आहेत.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com