एक आरोपी व एक विधी संघर्षग्रस्त बालकास ताब्यात घेवून त्यांच्याकडून 2 केबल चोरीचे व 2 मोटर सायकल चोरीचे असे एकूण 4 गुन्हे उघडकीस आणून 3,00,000/- रुपये किंमतीचा मुद्देमाल जप्त
कोल्हापूर
सह संपादक – रणजित मस्के
स्थानिक गुन्हे अन्वेषण शाखा, कोल्हापूर यांची कारवाई
मा. पोलीस अधीक्षक, श्री. महेंद्र पंडित सो यांनी स्थानिक गुन्हे अन्वेषण शाखेचे पोलीस निरीक्षक रविंद्र कळमकर यांना कोल्हापूर जिल्ह्यात घडत असले शेतातील केबल चोरी गुन्ह्यांचा समांतर तपास करणे बाबत आदेशित केले होते. तसेच स्थानिक गुन्हे अन्वेषण शाखेकडील पथके नेमूण सक्त पेट्रोलींग करून गोपनीय व तांत्रिकरित्या माहिती काढून रेकॉर्डवरील गुन्हेगारांना चेक करुन घडणारे गुन्ह्यांना प्रतिबंध करून घडलेले गुन्हे उघडकीस आणणेकरीता योग्य ते मार्गदर्शन करून सुचना दिल्या.
मा. पोलीस अधीक्षक साो यांनी दिले सुचनाप्रमाणे पोलीस निरीक्षक रविंद्र कळमकर यांनी स्थानिक गुन्हे अन्वेषण कोल्हापूर कडील पोलीस उपनिरीक्षक जालिंदर जाधव यांचे पथक नेमले. सदर पथकाने कोल्हापूर जिल्ह्यात घडलेले शेतातील केबल चोरीचे गुन्हयासह मालाविरुध्दचे गुन्हे उघडकीस आणणेचे दृष्टीने गुन्हे घडलेची ठिकाणे, वेळ व पध्दत यांचा अभ्यास करुन तपास करीत असताना तपास पथकातील पोलीस अमंलदार हिंदुराव केसरे, सोमराज पाटील व वसंत पिंगळे यांना गोपनीय बातमीदारा मार्फत माहिती मिळाली की, कोडोली पोलीस ठाणे, गु.र.नं. 15/2025, बी.एन. एस. 303(2) प्रमाणे दाखल गुन्हा हा विजय गुरव, रा.शिरगांव, ता. शाहुवाडी जि. कोल्हापूर याने व त्याचे साथीदाराने मिळुन केला असून तो आजरोजी टाटा कंपनीची नॅनो गाडी क्र. एमएच-02-बीटी-0870 मधुन चोरलेली गेलेली केबल घेवून काखे फाटा, कोडोली, ता. पन्हाळा, जि. कोल्हापूर येथे येणार आहे. मिळाले माहितीवरून वरील तपास पथकाने दि. 04.04.2025 रोजी काखे फाटा कोडोली येथे जावून सापळा लावून आरोपी नामे विजय मधुकर गुरव, व.व.32, रा. शिरगांव, ता. शाहुवाडी, जि. कोल्हापूर व एक विधी संघर्षग्रस्त बालक यांना नॅनो गाडी व एक मोटर सायकलसह ताब्यात घेतले. त्यांचे कब्जातील नॅनो गाडीमध्ये गोणपाटामध्ये गुंडाळलेली सुमारे 800 फुट लांबीची काळया रंगाची पॉलीकेप असा एकूण 3,00,000/- रु किंमतीचा मुद्देमाल मिळुन आला. नमुद इसमांना ताब्यात घेवून त्यांचे कब्जात मिळून आले मुद्देमालाबाबत सखोल तपास केला असता त्यांनी 02 केबल चोरी व 02 मोटर सायकल चोरी असे एकूण चार गुन्हे केलेची कबुली दिली. आरोपी विजय गुरव यास जप्त मुद्देमालासह पुढील तपासकामी कोडोली पोलीस ठाणे येथे जमा केले आहे.
आरोपी नामे विजय मधुकर गुरव, व.व.32, रा. शिरगांव, ता. शाहुवाडी, जि. कोल्हापूर व विधी संघर्षग्रस्त बालक यांचेकडून उघडकीस आलेले गुन्ह्यांची माहिती खालील प्रमाणे.
पोलीस ठाणे
गुन्हा. र. नं. व कलम
मिळाला माल
01 कोडोली
15/2025-BNS303(2)
1,25,000/- रु. काळ्या रंगाची 627 फुट केबल
शाहुवाडी
40/2025-BNS303(2)
60,000/- रु. काळ्या रंगाची 400 फुट केबल
शाहुवाडी
161/2025-BNS303(2)
60,000/-रु होंडा शाईन मो. सा. क्र. MH-09-EQ-1128
हातकणंगले
35/2025 – BNS303(2)
60,000/- रु. हिरो पेंशन मो.स.क्र. MH-09-DE-9389
सदरची कारवाई मा. पोलीस अधीक्षक श्री. महेंद्र पंडित साो, मा.अपर पोलीस अधीक्षक श्री. निकेश खाटमोडे-पाटील साो व मा. अपर पोलीस अधीक्षक डॉ. बी. धीरज कुमार सो यांचे मार्गदर्शनाप्रमाणे स्थानिक गुन्हे अन्वेषण शाखेचे पोलीस निरीक्षक श्री. रविंद्र कळमकर, पोलीस उपनिरीक्षक जालिंदर जाधव तसेच पोलीस अंमलदार हिंदुराव केसरे, वसंत पिंगळे, सोमराज पाटील, विनोद कांबळे, संजय पडवळ, अरविंद पाटील, राम कोळी, रोहीत मर्दाने व हंबीरराव अतिग्रे यांनी केली आहे.
