मोटार सायकल चोरी करणारास्थानिक गुन्हे शाखा गोंदिया पोलीसांच्या जाळ्यात
सह संपादक -रणजित मस्के
गोंदिया
दिनांक ०२/०७/२०२५ रोजी स्थानिक गुन्हे शाखा, गोंदिया येथील पोलीस पथक पोलीस ठाणे गंगाझरी हद्दीत पेट्रोलीग करीत असतांनी गुप्त बातमीदारांकडुन खात्रीशीर माहिती मिळाली कि मोटार सायकल चोरी करून आरोपी आकाश कंसरे रा.कोहका हा चोरीची मोटार सायकल विक्रीच्या ईराद्याने निलागोंदी गावाच्या परीसरात फिरत आहे. या माहीतीच्या आधारे पोलीस पथक गस्त करीत असतांनी निलागोंदी ते धापेवाडा रस्त्यावर आकाश कंसरे रा.कोहका हा एक हिरो होन्डा कंपनीची स्प्लेंडर प्रो मोटार सायकलसह दिसुन आला. त्याच्या हालचाली संशयास्पद वाटल्याने त्यास ताब्यात घेवुन अभिलेखावरील मोटार सायकल चोरीचा मोटर सायकल बाबत विचारपुस केले असता त्याने २९+३०/०५/२०२५ रात्री दरम्यान मौजा टेमनी येथून त्याचा साथीदार राज कांबळे रा. कोचेवाही यांचेसह चोरी केल्याचे सांगितले व कबुली दिली. त्याच्या ताब्यातुन हिरो होन्डा कंपनीची स्प्लेंडर प्रो मोटार सायकल काळ्या रंगाची किमती अंदाजे २०,०००/- रु. जप्त करण्यात आली आहे. सदरची मोटार सायकल पोलीस ठाणे गोंदिया ग्रामीण अप.क्रं. ४३७/२०२५ कलम 303(2) भा.न्या.सं. गुन्हयात चोरीस गेलेली असल्याचे सदर दोन्ही आरोपी १) आकाश कंसरे रा.कोहका २) राज कांबळे रा. कोचेवाही यांना गुन्ह्यांचा पुढील तपासकामी पोलीस स्टेशन गोंदिया ग्रामीण चे स्वाधीन करण्यात आले आहे.
सदरची कामगीरी श्री. गोरख भामरे, पोलीस अधिक्षक, गोंदिया, स्थानिक गुन्हे शाखा गोंदियाचे पोलीस निरीक्षक श्री पुरुषोत्तम अहेरकर यांचे मार्गदर्शना खाली स्थानिक गुन्हे शाखा गोंदिया येथील अंमलदार पो.हवा. संजय चव्हाण, दिक्षीतकुमार दमाहे, पो.हवा.सुबोधकुमार बिसेन, पो.शि. दूर्गेश पाटील , छगन विठ्ठले, राकेश इंदुरकर चापोशि. राम खंदारे यांनी केली आहे.
