सांगलीतील दिनाक १९/५/२०२४ च्या मोर्चा व सभेची परवानगी रद्द..
उपसंपादक- रणजित मस्के
सांगली :-निलेश मधुकर हिंगमिरे, रा. संजय कॉलनी, माधवनगर, सांगली यांनी दि. १८/४/२०२४ रोजी तालुका सौंदत्ती, जि. हुबळी, कर्नाटक आणि मानखुर्द, मुंबई मध्ये झालेल्या हत्येच्या निषेधार्थ दि. १९/५/२०२४ सार्यकाळी सांगली शहरातुन मोर्चा काढून राममंदीर चौक येथे सभा आयोजित करणेबाबत पोलीसांकडे परवानगी मागितली होती.
निलेश मधुकर हिंगमिरे यांचेकडे सदरचा मोर्चा सभा कोणत्या, कशा स्वरूपाची असेल, त्यास गर्दी किती जमेल तसेच सभेचे वक्ते कोण असतील याबाबत माहिती विचारली असता त्यांनी याबाबत कोणतीही निश्चीत माहिती सादर केली नाही. सांगली जिल्हयामध्ये सध्या लोकसभा सार्वत्रिक निवडणुक २०२४ च्या अनुशंगाने आदर्श आचारसंहिता लागू असून सदर मोर्चा, सभेच्या मुळ कार्यक्रमाच्या स्वरूपाबाबतची माहिती अपुरी व त्रोटक असलेने तसेच पोलीसांच्या गोपनिय माहितीच्या आधारे कायदा व सुव्यवस्थेच्या दृष्टीने पोलीस निरीक्षक, सांगली शहर पोलीस ठाणे यांनी सदरचा मोर्चा व सभेस यापुर्वी दिलेली परवानगी रद्द केलेली आहे.
सध्या लोकसभा सार्वत्रिक निवडणुक २०२४ च्या अनुशंगाने आदर्श आचारसंहिता लागू असल्याने कोणताही कायदा व सुव्यवस्थेचा अनुचित प्रकार घडेल अशा स्वरुपाचे कृत्य केल्यास त्यांचेवर कठोर कायदेशीर कारवाई करण्यात येईल. सोशल मिडीयावर पोलीसांकडून बारकाईने लक्ष ठेवण्यात येत असून कोणीही कसल्याही अफवेवर विश्वास ठेवू नये.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
