कोंढवा पोलीसांनी पुणे शहर व ग्रामीण भागात वाहन चोरी करणाया चोरट्यांना केले जेरबंद

सह संपादक -रणजित मस्के

पुणे

दिनांक ३०/०६/२०२५ ते दिनांक ०१/०७/२०२५ रोजी चे दरम्यान फिर्यादी यांची ४०,०००/- रू.कि.ची बजाज कंपनीची रिक्षा क्र. एम.एच.१२ एन.डब्ल्यु. ४४६८ ही शालीनी सुपर मार्केट दुकानाच्या समोर सार्वजनिक रोडवर, लक्ष्मीनगर, कोंढवा बु, पुणे येथे लॉक व पार्क केली असता ती कोणीतरी अज्ञात इसमाने फिर्यादी यांचे संमतीशिवाय लबाडीच्या इराद्याने चोरी करून नेल्याबाबत कोंढवा पोलीस स्टेशन येथे गु.र.नं. ३३१/२०२५ भान्यासं कलम ३०३ (२) अन्वये वाहन चोरीचा गुन्हा दाखल करण्यात आला होता.

सदर गुन्हयाचे अनुषंगाने कोंढवा तपास पथकाचे सहा पोलीस निरीक्षक राकेश जाधव, तपास पथकातील अंमलदारांसह सदर गुन्ह्यातील आरोपीचा शोध घेत असताना पोलीस अंमलदार लक्ष्मण होळकर, विकास मरगळे, विजय खंगरे यांना त्यांचे गोपनीय बातमीदारामार्फत बातमी मिळाली की, सदरचा गुन्हा हा प्रल्हाद ईखे व गजानन खटपटे दोघे रा.भैरवनाथ मंदिर शेजारी, कोंढवा बु., पुणे यांनी केला असून सदर दोघे चोरी केलेली रिक्षा घेवून खडीमशिन चौकाचे पुढे पिसोळी रोड येथे थांबलेले आहेत. अशी खात्रीशीर बातमी मिळाल्याने तपास पथकाचे सहा पोलीस निरीक्षक राकेश जाधव व पोलीस अंमलदार यानी सदर ठिकाणी सापळा लावून आरोपी नामे १) प्रल्हाद मुंजाजी ईखे, वय २३ वर्षे, रा. लक्ष्मण कामठे यांच्याकडे भाड्याने, श्रीनाथ डेअरी जवळ, भैरवनाथ मंदिर शेजारील गल्लीमध्ये कोंढवा बु., पुणे २) गजानन उर्फ राज दत्ता खटपटे, वय २४ वर्षे, रा. सदर यांना ताब्यात घेवून गुन्ह्यामध्ये अटक करण्यात आली आहे.

सदर आरोपींकडे केलेल्या तपासा दरम्यान त्यांचे ताब्यातून १ रिक्षा व एकुण ७दुचाकी वाहने जप्त करण्यात आलेली आहेत. तसेच सदर आरोपींच्या विरोधात कोंढवा पोलीस स्टेशन येथे ०५ लष्कर पोलीस स्टेशन येथे ०१, खराडी पोलीस स्टेशन येथे ०१ व भोर पोलीस स्टेशन येथे ०१ गुन्हा असे एकुण ०८ गुन्हे दाखल आहे. सदरचे गुन्हे उघडकिस आणले असून त्यांच्याकडुन एकुण २,३५,०००/- रू किं चा मुद्देमाल जप्त केला आहे.

सदरची कारवाई ही मा अपर पोलीस आयुक्त, पुर्व प्रादेशिक विभाग, पुणे शहर श्री मनोज पाटील, मा.पोलीस उप-आयुक्त, परिमंडळ-५, पुणे शहर डॉ. राजकुमार शिंदे, मा. सहा. पोलीस आयुक्त वानवडी विभाग, पुणे शहर श्री. धन्यकुमार गोडसे, वरिष्ठ पोलीस निरीक्षक, श्री. विनय पाटणकर, पोलीस निरीक्षक गुन्हे श्री. नवनाथ जगताप यांचे मार्गदर्शनाखाली कोंढवा पोलीस स्टेशन येथील तपास पथकाचे सहा. पोलीस निरीक्षक राकेश जाधव, पोलीस अमलदार विशाल मेगाणे, निलेश देसाई, गोरखनाथ चिनके, सतिश चव्हाण, लक्ष्मण होळकर, सुजित मदन, संतोष बनसुडे, अभिजीत जाधव, विकास मरगळे, राहुल शेलार, विजय खेंगरे, राहूल थोरात, सुरज शुक्ला, अनिल बनकर, केशव हिरवे यांच्या पथकाने केली आहे.