अपहरीत बालकाची सुरतेहुन सुखरुप सुटका करणाऱ्या मानपाडा पोलीसांवर कौतुकांचा वर्षाव…

प्रतिनिधी-रणजित मस्के

डोंबिवली (मानपाडा):
दिनांक- १३/११/२०२२ रोजी मिळालेल्या माहितीवरून, दिनांक ०९/११/२०२२ रोजी तक्रारदार श्री. रणजीत सौमेंद्र झा, वय ४२ यांनी मानपाडा पोलिस ठाणेत येवुन तक्रार दिली की, त्यांचा १२ वर्षाचा मुलगा रूद्रा हा सकाळी ०८:०० वा मिलापनगर येथे ट्युशनसाठी गेला असता, पुन्हा १०:०० वा. घरी येणे अपेक्षित असताना तो आलाच नाही. व त्याऐवजी कॉल आला की, “ आपका लडका हमारे पास है. बच्चा चाहते हो, तो एक करोड रूपये का इंतजाम करो वरना बच्चे को जान से मार देंगे.” वडिलांच्या तकारीवरून मानपाडा पोलिस ठाण्यात भा.दं.वि. ३६३, ३६४(अ), ३८५ प्रमाणे गुन्हा रजि.क. ८५५/२०२२ दाखल करण्यात आला. सदर गुन्ह्यामध्ये खंडणीसाठी अल्पवयीन मुलाचे अपहरण केले असल्याने व त्याच्या जीवाला धोका होता. सदर गांभीर्य ओळखुन गुन्हयाचा तपास वपोनिरी. मानपाडा पो.स्टे. श्री. शेखर बागडे यांचेकडे देण्यात आला होता.

गुन्ह्याचे गांभिर्य ओळखून गुन्ह्याचे घटनास्थळास श्री दत्तात्रय शिंदे, अपर पोलिस आयुक्त, पूर्व प्रादेशिक विभाग, श्री अशोक मोराळे, अपर पोलिस आयुक्त, गुन्हे , श्री सचिन गुंजाळ, पोलिस उपायुक्त, परिमंडळ ३, कल्याण, श्री सुनिल कुराडे, सहा. पोलिस आयुक्त, डोंबिवली विभाग, श्री उमेश माने पाटिल, सहा. पोलिस आयुक्त, कल्याण विभाग, श्री शेखर बागडे, वपोनि.मानपाडा पो.स्टे. यांनी मिलापनगर येथील घटनास्थळास भेट दिली. आता तपासाची चक्रे वेगाने फिरू लागली. मा. वरिष्ठांच्या मार्गदर्शनाखाली तपासासाठी विविध २० पथके तयार करण्यात आली. प्राथमिक तपासात आरोपी यांनी निसान कंपनीच्या ‘ टॅट्सन गो’ या पांढऱ्या रंगाचे गाडीतुन अपहरण केल्याचे व ते गाडीसह डोंबिवली, बदलापूर, खडवली, जव्हार मार्गे पुढे गेल्याचे निष्पन्न झाले. अपहरणातील गाडीचा माग काढण्यासाठी वपोनि/अशोक होनमाने ( महात्मा फुले चौक पो. स्टे.), सपोनि अविनाश वनवे, सपोनि सुनिल तारमळे (दोघेही मानपाडा पो.स्टे.), सपोनिरी.पगारे, कोळशेवाडी, सपोनिरी. मुंडे ( बाजारपेठ पोलिस ठाणे) असे अधिकारी व अंमलदार यांची ६ पोलिस पथके तयार करूण जव्हार मोखाडा परिसरात रवाना करण्यात आली. परंतू गुन्हा हा पूर्व नियोजित असल्याने व प्रवासात मुख्य रस्त्याचा वापर न करता आडमार्गाने, गाव खेड्यातून आरोपी गेल्याने गाडीचा माग काढणे शक्य होत नव्हते व पुढील दिशा ठरत नव्हती. तसेच आरोपी हे गाडीच्या नंबर प्लेट बदलत असल्याचे आढळुन आले.

दुसऱ्या दिवशी दिनांक १०/११/२०२२ रोजी आरोपीने पुन्हा पुर्वीच्याच चोरीच्या मोबाईलवरून फिर्यादी यास धमकीचा कॉल केला. “ तुम मुझे सिरीयस नही ले रहे हो. अब तुम्हे एक नही देड करोड रूपये मुझे देणे होंगे. ०३ घंटे मे पैसे का बंदोबस्त करो जादा होशियारी की तो इसकी बहुत बडी किमत तुम्हे चुकानी पडेगी ” अशी धमकी दिली. आतापर्यतचे तपासावरुन आरोपींनी वापरलेल्या गाडीची नंबर प्लेट बनावट असल्याचे समजले. तसेच आरोपी हे सराईत गुन्हेगार असल्याने आरोपींचा माग काढणे शक्य होत नव्हते व तपास आव्हानात्मक असल्याची जाणीव झाली, त्यामुळे तपासाला अजून वेग देण्यात आला. तर आरोपी व अपहृत मुलाचा शोध घेण्यासाठी नाशिक परिसरात श्री सचिन गुंजाळ, पोलिस उपायुक्त, परिमंडळ ३, कल्याण यांचेसह श्री सुनिल कुराडे, सहा.पोलिस आयुक्त, डोंबिवली, श्री. उमेश माने-पाटिल, सहा. पोलिस आयुक्त, कल्याण, श्री बाळासाहेब पवार पोनि/गुन्हे, (मानपाडा), श्री. मधुकर कड वपोनिरी. मध्यवर्ती पो.स्टे. पोनिरी. राजेंद्र अहिरे, पोउपनि/रजपुत, पोउपनि/ पाटील व इतर अंमलदार अशी तपास पथके नाशिक येथे पोहोचली. यावेळी सदर पथकांना नाशिक शहर पोलिस आयुक्तालयातील गुन्हे शाखा, तसेच भद्रकाली पोलिस ठाण्याचे स्थानिक पोलिस तसेच नाशिक ग्रामीणचे पोलिस यांनी त्यांना मदत केली. या पथकांनी तपासामध्ये आरोपी व अपहरीत मुलाच्या शोधासाठी भद्रकाली व आसपासचा परिसर पिंजून काढला.तेव्हा असे लक्षात आले की, आरोपी हा फक्त पोलिसांची दिशाभूल करण्यासाठीच नाशिकला आला होता. यावेळी स्थानिक गोपनिय माहिती वपोनि/श्री.शेखर बागडे,यांच्या मार्गदर्शनाखाली सपोनि/अनिल भिसे, सपोनि/श्रीकृष्ण गोरे (मानपाडा), सपोनि/योगेश सानप(डोंबिवली) व इतर अंमलदार यांना जबाबदारी देण्यात आली.

दरम्यानच्या कालावधीत जव्हार, मोखाडा परिसरात तपास करणारे वपोनि/ श्री अशोक होनमाने यांच्या पथकाला आरोपीची गाडी नाशिक येथून जव्हार दिशेने भरधाव वेगात जाताना दिसली. म्हणून त्यांनी लागलीच काही अंतरावर पाठीमागे असणारे सपोनि /सुनिल तारमळे व सपोनि/अविनाश वनवे यांना आरोपीचा रस्ता अडविण्यास सांगितले. एवढयात सुसाट वेगाने येणाऱ्या आरोपीने, त्याच्या कडील निसान कंपनीची चारचाकी गाडी अटकाव करणाऱ्या पोलीसांचे अंगावर घालण्याचा प्रयत्न करूण रस्त्याच्या कडेला असणाऱ्या जंगलात शिरला व तेथून गाडी सोडून देवून पायी दरीमध्ये पळून गेले. यावेळी तेथे उपस्थित सर्व पोलिस पथके, डॉग स्क्वॉड, तसेच स्थानिक, जव्हार पोलिस उपविभागीय अधिकारी, श्री प्रशांत परदेशी यांनी स्थानिक गाववाले यांच्या मदतीने सर्व दरी व जंगल परिसर पिंजून काढला. त्यासाठी तेथील पंचक्रोशीतील नागरीकांची व युवकांची मदत घेण्यात आली जो कोणी या आरोपींना पकडण्यास मदत करतील त्यांना रोख ५०,०००/-रु बक्षीस जागेवर दिले जाईल असे जाहिर करण्यात आले. त्याप्रमाणे स्थानिकांचे मदतीने सर्व जगल परीसर पिंजुन काढण्यात आला, परंतू पुढे अंधाराचा फायदा घेत आरोपी पसार झाले. यावेळी मिळालेल्या आरोपीच्या गाडीची झडती घेतली असता गाडीत दोन धारदार सुरे, तसेच अपहृत मुलाची चप्पल व शाळेची वही अशा वस्तू मिळाल्या. तसेच आरोपी यांनी सदर गाडीला एम.एच. ०२ सीआर ९७१३ व एम.एच ०२ सीआर ९९३७ अशा वेगवेगळया नंबर प्लेटचा वापर केल्याचे लक्षात आले. आतापर्यतचे तपासावरुन सदर गुन्हयाचा मास्टरमाईड आरोपी हा फरहदशाह फिरोजशहा रफाई असल्याचे लक्षात आले, तसेच त्याचा पुर्व इतिहास तपासता त्याचेवर गुजरात येथे डबल मर्डर, घरफोडी, अवैध दारु विक्री असे अनेक गंभीर स्वरुपाचे गुन्हे दाखल असल्याची माहिती प्राप्त झाली होती. तसेच आरोपीच्या गाडीत घातक हत्यारे सापडल्याने व अपहृत मुलगा आरोपी यांच्यासोबत मिळून न आल्याने गुन्हा अधिक संवेदनशिल तसेच गुंतागुतीचा होत चालला होता. त्यामुळे यापुढे अपहृत मुलाचा प्राण वाचविणे हेच उद्दिष्ट ठेवून अधिक संवेदनशिलपणे तपास सुरू ठेवण्यात आला.

दरम्यान गोपनीय माहिती तसेच तांत्रिक विश्लेषणाआधारे आरोपी हे जंगलातून पालघर बाजुकडून गुजरातकडे पलायन करीत असल्याची माहिती मिळाली
म्हणून पुन्हा मा. पोलिस उपायुक्त, परिमंडळ ३, कल्याण श्री सचिन गुंजाळ यांनी आपल्यासह वपोनि/अशोक होनमाने, सपोनि / वनवे, सपोनि/तारमळे, सपोनि/सरोदे, सपोनि/दिनेश सोनवणे, पोउनिरी. रजपुत यांना घेवून मुंबई-अहमदाबाद हायवेवर पाठलाग केला. तसेच पुढे तलासरी-अच्छाड परिसरात स्थानिक पालघर पोलिस तसेच गुजरात राज्यातील स्पेशल ऑपरेशन ग्रुप यांच्या मदतीने नाकाबंदी लावली. परंतू आरोपी याने पोलिसांना चकवा देत मुख्य रस्त्यावरून न येता आडमार्गे गावखेड्यातून ,वेळोवेळी वाहने बदलून पळून गेला.
आरोपी अपहृत बालकासह त्याचे मुळगावी गुजरात राज्यातील भावनगर व सुरत येथे जाण्याची शक्यता असल्याने, गुजरात राज्यातील भावनगर येथे पोनि / प्रदिप पाटिल, सपोनि/हरीदास बोचरे यांना तर सुरत येथे सपोनि/वनवे, सपोनि/तारमळे, पोउपनि/राजपूत
यांना पथकासह रवाना करण्यात आले. यावेळी तपासासाठी संपूर्ण पथकांना मानपाडा पोलिस ठाण्याचे वपोनि/श्री शेखर बागडे यांच्या पथकाकडून उपयुक्त अशी माहिती वेळोवेळी पुरविण्यात येत होती. व या संपूर्ण शोध अभियानाचे संयोजन, नियोजन आणि मार्गदर्शन मा. अपर पोलिस आयुक्त, पूर्व प्रादेशिक विभाग, श्री दत्तात्रय शिंदे हे करीत होते.

त्यानंतर दिनाक १२/११/२०२२ रोजी सकाळी पर्यंत गोपनीय माहिती मिळाली की, आरोपी याने त्याच्या पालघर येथील घरातील सर्व सामान एका मालवाहू टेम्पोमध्ये काल रात्रीच सुरतला पाठविले आहे. यावरुन हे सामान कुठल्यातरी माल वाहतुक वाहनाने सुरतला नेले असण्याची शक्यता पडताळणीसाठी सुरत या ठिकाणी असलेल्या टिमला निर्देश देण्यात आले की, महाराष्ट्रातुन सुरतकडे सामान आलेल्या सर्व मालवाहतुक वाहने चेक करा. त्यामुळे महाराष्ट्राचा नंबर असणारे पालघर जिल्हयातील सर्व वाहने व त्यांचे चालक व क्लीनर यांचेकडे चौकशी करणेबाबत पथकास निर्देश देण्यात आले. यामाहितीवरून यापूर्वीच सुरत येथे असणाऱ्या पथकाने मालवाहू टेम्पो शोधून त्याच्या चालकाकडे चौकशी केली. त्याच्याकडून मिळालेल्या माहितीच्या आधारे सुरत येथील पथकाने आरोपीचे घर शोधून काढले. व घरात अपहृत बालक सुरक्षित असल्याची खात्री करून घरावर छापा टाकला. यात आरोपी असणाऱ्या ०२ पुरूष व ०३ महिला आरोपी यांच्या मुसक्या आवळून अपहृत बालकाची सुरत येथून सुटका केली. यावेळी ताब्यात घेण्यात आलेले आरोपी
१) फरहदशहा फिरोजशहा रफाई,वय २६ वर्षे,तात्पुरता रा. पालघर,मुळ रा. राजकोट गुजरात
( मुख्य आरोपी )
२) प्रिंसकुमार रामनगिना सिंग, वय २४ वर्षे, तात्पुरता रा. पालघर,मुळ रा.भावनगर गुजरात
( मुख्य आरोपीचा मेहुणा )
३) शाहीन शाबम मेहतर, वय २७ वर्ष, तात्पुरता रा.पालघर,मुळ रा. राजकोट गुजरात
( मुख्य आरोपीची प्रियसी )
४) फरहीन प्रिंसकुमार सिंग , वय २०वर्ष, तात्पुरता रा.पालघर,मुळ रा. भावनगर, गुजरात
( मुख्य आरोपीची बहिण )
५) नाझिया फरहद रफाई, वय २५ वर्ष, तात्पुरता रा.पालघर,मुळ रा. राजकोट, गुजरात
( मुख्य आरोपीची पत्नी )

सदरची कामगिरी श्री. जय जीत सिंग, मा.पोलीस आयुक्त,ठाणे शहर, श्री. दत्तात्रय कराळे, मा. पोलीस सह आयुक्त, ठाणे शहर, श्री. संजय जाधव, मा. अपर पोलीस आयुक्त ( प्रशासन ), श्री. अशोक मोराळे, मा अपर पोलीस आयुक्त ( गुन्हे ) श्री दत्तात्रय शिंदे, मा. अपर पोलीस आयुक्त, पूर्व प्रादेशिक विभाग कल्याण यांचे मार्गदर्शनाखाली श्री सचिन गुंजाळ, पोलीस उप आयुक्त, परिमंडळ ३, कल्याण, श्री. सुनिल कुराडे, सहाय्यक पोलीस आयूक्त डोबिवली विभाग, श्री. उमेश माने-पाटील, सहाय्यक पोलीस आयुक्त कल्याण विभाग, पोलीस उप अधिक्षक, पालघर, श्री. परदेशी, श्री.शेखर बागडे, वपोनि / मानपाडा पो.स्टे., श्री अशोक होनमाने, वपोनि / महात्मा फुले पो.स्टे., श्री. मधुकर कड, वपोनि/ मध्यवर्ती पो.स्टे., पो.निरि ( गुन्हे ) बाळासाहेब पवार, पोनि (प्रशा) सुरेश मदने,मानपाडा पो.स्टे. पोनि. मोहन खंडारे, विष्णुनगर पो.स्टे., पोनि. राजेंद्र अहिरे, बाजारपेठ पो.स्टे., पोनि प्रदिप पाटील, महात्मा फुले पो.स्टे., सपोनि, अविनाश वनवे, श्रीकृष्ण गोरे, सुनिल तारमळे, अनिल भिसे, पोहवा/ खिल्लारे, पोहवा /कोळी, पोहवा / गडगे, पोहवा /माळी, पोहवा/तांबे, पोहवा/टिकेकर, पोहवा / कदम, पोहवा / भोईर, पोहवा/काळे, पोहवा/हांडे, पोहवा पाटील, पोहवा/कसबे, पोना / पाटील, पोना/पवार, पोना/किनरे, पोना / भोसले, पोना/वायकर, पोना/ यादव, पोशि/ ढाकणे, पोशि/ सोनावणे, पोशि/ मंझा, पोशि/काकड, पोशि/चौधरी, नेम– मानपाडा पो. स्टे., सपोनि- दिनेश सोनावणे, पोहवा/पिंजारी, नेम–पोलीस उपायुक्त परि ३,
कल्याण, कार्यालय, सपोनि /योगेश सानप, सपोनि / भराटे, पोहवा/ वानखेडे, पोहवा /निवळे, पोशि/पोटे, नेम- रामनगर पो.स्टे., सपोनि / सरोदे, सपोनि / ढोले, पोहवा /चौधरी, पोहवा /निकाळे, पोना/मधाले, पोना/टिकेकर, नेम- महात्मा फुले पो.स्टे., सपोनि/पगारे, सपोनि/ बोचरे, सपोउपनिरी/अख्तार, पोहवा/साळुखे, पोहवा / कदम, पोहवा /बोरसे, पोना / दळवी, पोशि/गावित, नेम- कोळशेवाडी पो.स्टे. सपोनि/मुंढे, पोहवा / पवार, पोशि/ चव्हाण, नेम- बाजारपेठ पो.स्टे., सपोनि/नितिन आंधळे, पोहवा/पवार, पोहवा/लोखंडे, पोहवा / पवार, पोना/पाटील, पोशि/शिंदे, पोशि/ गरुड, पोशि/वारगडे, नेम- खडकपाडा पो. स्टे. पोउनिरी/रजपुत, पोहवा/मिसाळ, पोहवा / पथके, पोशि/डमाळे, पोशि/राठोड, पोशि/गायकवाड, पोशि/शेकडे, पोशि/सानप, पोशि/वीर नेमणुक विठ्ठलवाडी पो.स्टे. पोहवा/दिवटे,पोहवा /नागरे, पोहवा/कोकोडे नेम-विष्णुनगर पो.स्टे. पोहवा / नेवले नेम-टिळकनगर यांचे पथकाने केली आहे.

ताजी बातमी व जाहिरातीसाठी संपर्कः

मोबा.नं. 9920601001

info@surakshapolicetimes.com

diptibhogal@surakshapolicetimes.com