गोंदिया ग्रामीण पोलीसांनी कामठी, नागपूर वरून हरवलेल्या 9 वर्षीय अल्पवयीन मुलाचा शोध..
उपसंपादक-राकेश मस्के
गोंदिया :-हरवलेला 9 वर्षीय बालक मिळुन आल्याने नविन कामठी, नागपूर शहर पोलीसांना केले स्वाधीन……….सुखरूप पालकांचे ताब्यात देवुन केले सुपूर्द…*
याबाबत थोडक्यात हकीगत अशी की, दिनांक 3 एप्रिल 2024 रोजी गोंदिया ग्रामीण येथील पोलीस पथक निवडणुकीच्या अनुषंगाने पोलीस ठाणे परिसरात गस्त, पेट्रोलिंग करीत असताना मौजा- गनखैरा येथे एक 9 वर्षीय बालक सायंकाळी फिरत असताना मिळून आला……त्यास विचारपूस चौकशी केली असता तो काहीही सांगत नव्हता फक्त कामठी व नागपूर असे सांगून रेल्वेने आल्याचे सांगत असल्याने त्यास पोलीस स्टेशन गोंदिया ग्रामीण येथे आणून विश्वासात घेऊन विचारपूस केली असता कामठी, नागपूर एवढच व रेल्वेने गोंदिया येथे आल्याचे सांगत असल्याने त्याचे संदर्भात अधिकची माहिती म्हणून नागपूर पोलिसांशी संपर्क साधून माहिती घेतली असता.. व अल्पवयीन बालक याचे संदर्भात कामठी नागपूर पोलिसांशी संपुर्ण माहितीची देवाण घेवाण करून खातरजमा केली असता सदर अल्पवयीन मुलगा हरवल्या संदर्भात पोलीस ठाणे नवीन कामठी, नागपूर शहर येथे दिनांक- 27/03/2024 रोजी त्याची आई फिर्यादी नामे- सौ. निशा प्रविण मेश्राम रा. कामठी, नागपूर शहर यांचे तक्रारी वरून अपराध क्र. 213/2024 कलम 363 भा.दं.वि अन्वये गुन्हा दाखल असल्याची माहिती मिळाली….
त्याचप्रमाणे सदर 9 वर्षीय अल्पवयीन बालक हा दिनांक 27 मार्च ला हरविल्यावरून व तो मागील 7 दिवसापासून मिळुन न आल्याने त्याचा कोणी अपहरण करुन खंडणीचा प्रकार तर नाही ना या अनुषंगाने अपहृत अल्पवयीन बालकाचा नागपूर येथील वरिष्ठांचे आदेशाप्रमाणे व मार्गदर्शनाखाली विविध पथकाचे मदतीने संपुर्ण नागपूर शहर, आणि नागपूर ग्रामीण पोलीसांचे नमूद बालकाच्या शोध संबंधाने शर्तीचे प्रयत्न सुरू असल्याची माहिती समजली..
पो. ठाणे नविन कामठी, नागपूर शहर दाखल गुन्ह्यातील नमूद 9 वर्षीय अल्पवयीन बालक हा गोंदिया ग्रामीण पोलीसांना दिनांक 3 एप्रिल रोजी मिळुन आल्याने….. त्याचे नातेवाईक आणि कामठी नागपूर पोलीसांना कळवून गोंदिया येथे पाचारून करून अल्पवयीन मुलास आज दिनांक- 04 एप्रिल 2024 रोजी पो. ठाणे नाविन कामठी, नागपूर शहर पोलीस यांचे स्वाधिन करण्यात येवून बालकास त्याचे नातेवाईकाना सुखरुप सुपुर्द करण्यात आले आहे…
सदरची कामगिरी पो. ठाणे गोंदिया ग्रामीण पोलीस निरीक्षक श्री. चंद्रकांत काळे,पोलीस अंमलदार पो.हवा. दिनेश पालांदुरकर, दिपक लिल्हारे, मपोशि- अनिता कोसरकर, रंजिता तांडेकर यांनी केलेली असून पोलीस अधीक्षक गोंदिया, अपर पोलीस अधीक्षक गोंदिया, उपविभागीय पोलिस अधिकारी, गोंदिया तसेच नागपूर येथील वरीष्ठ पोलीस अधिकारी, पो. ठाणे नविन कामठी चे पो. नि. यांनी गोंदिया ग्रामीण पोलीसांनी केलेल्या कामगिरीचे कौतुक आणि अभिनंदन केले आहे.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
