अवैध गोवंश कत्तलखान्यांचा गंगापुर पोलीसांनी पर्दाफाश करुन ४४ गोवंशाची केली सुटका, ०१ आरोपीतांना तात्काळ अटक.

उपसंपादक – रणजित मस्के

छत्रपती संभाजी नगर ग्रामीण

मा. मनिष कलवानिया, पोलीस अधीक्षक यांनी जिल्हयातील गोवंशाची चोरटी वाहतुकीस लगाम लावत गोवंश जनावरे टोळया हद्दपार केल्या असून अवैधरित्या गोवंश कत्तलीच्या घटना अत्यंत गांभिर्याने घेऊन असे कृत्य करणारे ईसमांविरुद्ध सख्त व कठोर भूमिका घेऊन त्यांचे विरुद्ध तात्काळ गुन्हे दाखल करण्याचे निर्देश सर्व प्रभारी अधिकारी यांना देण्यात आलेले आहे.

या अनुषंगाने पोलीस ठाणे गंगापुर येथील पोलीस निरीक्षक सत्यजीत ताईतवाले यांना गोपनिय बातमीदार यांचे मार्फतीने गंगापुर शहरातील कुरेशी मोहल्ला या मध्यवस्तीमध्ये काही ईसम हे त्यांचे राहते वाडयात कत्तलखाना चालवित असल्याचे तसेच कत्तलीकरीता आणलेली गोवंश जनावरे ही शेतात लपवुन ठेवत असल्याची माहिती मिळाली.

त्यानुसार आज दि. 30/09/2023 रोजी सकाळी 04.00 वा. सुमारास गंगापुर पोलीसांच्या पथकाने

वेषांतर करुन अत्यंत सावधगिरीने कुरेशी मोहल्ल्यातील मध्यवस्तीच्या ठिकाणी असलेल्या सलीम ईस्माईल

कुरेशी, जुबेर आयुब कुरेशी तसेच कलीम कुरेशी यांचे घराचे परिसरात सापळा लावला असता तेथे संशयित

हालचाल दिसुन आल्यानंतर पोलीसांनी अत्यंत शिताफीने घराचे वाडयात प्रवेश केला असता तेथे समोरच्या

पत्र्याच्या शेडमध्ये मोकळया वाडयात गोवंशाची कत्तल झाल्याचे तसेच कत्तलीकरीता गोवंश बांधुन ठेवल्याचे

दिसुन आले. गंगापुर पोलीसांनी सदर ठिकाणी पंचनामा करुन कत्तलीकरीता आणलेली 14 जिवंत गोवंश व

01 मयत गोवंश जप्त केले व सलीम ईस्माईल कुरेशी, जुबेर आयुब कुरेशी यांना ताब्यात घेतले.

तदनंतर गंगापुर पोलीसांनी एवढ्यावरच न थांबता आसिफ युसुफ कुरेशी, बब्बु अहमद बागेत, मुनाफ कुरेशी, अफसर कुरेशी यांच्या गंगापुर परिसरातील शेतामध्ये छापे मारुन कत्तलीकरीता आणलेल्या गोवंशाची मुक्तता केली. सदर कारवाईत गंगापुर पोलीसांनी 44 गोवंश जातीचे जनावरे, गोवंश कत्तलीकरीता वापरण्यात येणारे साहीत्य सत्तुर, चाकु, कोयता, लाकडी ठोकळा तसेच 100 किलो वजन क्षमतेचा वजन काटा व गोवंश जनावरांच्या कत्तलीनंतर उरणारी चरबी यापासून बनविलेला डालडा असे एकुण 8,88,000/- (आठ लाख अठ्ठयाऐंशी हजार रुपयाचे गोवंश व ईतर साहित्य मिळुन आले आहे.

सदर प्रकरणातील आरोपीतांविरुद्ध गुन्हा दाखल करण्याची पक्रिया सुरु असुन त्यांचेकडे एवढया मोठया प्रमाणावर गोवंश जातीचे जनावरे कसे आले आहेत याबाबत पुढील तपास गंगापुर पोलीस करीत आहे.

नमुद कारवाई ही मा. मनिष कलवानिया, पोलीस अधीक्षक, मा. सुनिल कृष्णा लांजेवार, अपर पोलीस अधीक्षक, श्री प्रकाश बेले, उपविभागीय पोलीस अधिकारी गंगापुर यांचे मार्गदर्शनाखाली श्री. सत्यजीत ताईतवाले, पोलीस निरीक्षक, पोलीस उपनिरीक्षक दिपक ओटे, पोलीस उपनिरीक्षक शकील शेख, पोलीस उपनिरीक्षक प्रमोद काळे, महिला पोहा 1223 शेळके, पोशि/ 94 नवले, पोशि/ 733 खाडे, पोशि/328 सिंगल, पोशि/841 चव्हाण, पोशि/ 1169 नागरे, पोशि/ 269 नागरे, पोशि/ 1435 नागलोत, पोशि/1027 वाप्ते, पोशि/ 1700 सोनकांबळे, पोशि/ 1530 वडमारे, पोशि/ 1511 कांबळे, पोशि/ 1634 राठोड, पोशि/ 721 गुसिंगे, पोशि/ 1528 देवकते, महिला पोशि/ 1710 पाटील, महिला पोशि/54 धारकर यांनी केली आहे.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com