रेल्वे स्टेशन बॉम्बने उडविण्याची धमकी देणाऱ्या इसमाविरुध्द गुन्हा दाखल .. -

Spread the love

उपसंपादक- रणजित मस्के

सांगली :- दिनांक १३.०५.२०२४ रोजीचे रात्री ८.१५ वा. चे सुमारास सांगली शहर पोलीस ठाणेचे दुरध्वनी क्रमांक ०२३३-२३७३०३३ यावर एका अनोळखी व्यक्तीने त्याचेकडील फोनवरुन फोन करुन तो दहशतवादी आहे. त्याच्यासोबत ५ व्यक्ती असून त्यांच्याजवळील आरडीएक्सने ते रेल्वे स्टेशन परिसरात बॉम्ब ठेवुन रेल्वे स्टेशन बॉम्बने उडविणार असुन मुंबई, सातारा, कोल्हापूर, सोलापूर, पुणे या ठिकाणी सुध्दा त्यांची माणसे पोहचली असुन तेथे देखील बॉम्बस्फोट करणार आहोत असे भाष्य केले.

सदरची बाच अतिशय गंभीर असल्याने त्याबाबत तात्काळ स्टेशन डायरीस नोंद घेवून वरीष्ठ अधिकारी यांना कळविण्यात आले. मा. पोलीस अधीक्षक श्री संदीप घुगे यांनी या अनुषंगाने तात्काळ खबरदारीचा उपाय म्हणून मिरज रेल्वे स्टेशन येथे स्वतः व सांगली रेल्वे स्टेशन येथे मा. अपर पोलीस अधीक्षक श्रीमती रितु खोखर यांचे निरीक्षण मार्गदर्शनाखाली सर्व परिसरामध्ये तपासणी करण्यात आली. सदर धमकीच्या कॉलच्या संदर्भाने सांगली जिल्ह्यामधील सर्व पोलीस ठाणेस नियंत्रण कक्षामार्फत संदेश देवून मुख्य हमरस्त्यांवर नाकाबंदी लावण्यात आली व वेणाऱ्या जाणाऱ्या प्रत्येक संशयित वाहनाची कसुन झडती घेण्यात आली.

जिल्ह्यातील सर्व अॅम्बलुन्स व अग्नीशमन यंत्रणेस आपतकालीन परिस्थीतीसाठी सज्ज राहणेच्या सुचना देण्यात आल्या. तसेच सरकारी व खाजगी दवाखान्यांना सज्ज राहणेस आदेशीत करण्यात आले आहे. सांगली व मिरज रेल्वे स्टेशन परिसरात केलेल्या तपासणीमध्ये कोठेही काहीही संशयास्पद वस्तु मिळून आलेली नाही.

या तपासणी व शोध मोहिमेमध्ये उपविभागीय पोलीस अधिकारी सांगली व मिरज, प्रभारी अधिकारी सांगली व मिरज उपविभाग, कार्यकारी दंडाधिकारी सांगली व मिरज, स्थानिक गुन्हे अन्वेषण शाखा, बॉम्ब शोधक व नाशक पथक, दंगल विरोधी पथक, दहशतवाद विरोधी पथक व शाखा, वाहतुक शाखा, रेल्वे पोलीस पथक असे पोलीस अधिकारी व अंमलदार हे हजर होते. सांगली व मिरज रेल्वे स्टेशन तसेच जिल्ह्यातील गर्दीची ठिकाणे येथे योग्य तो पोलीस बंदोबस्त ठेवणेत आलेला आहे.

धमकी देणाऱ्या अनोळखी इसमाविरुाद सांगली शहर पोलीस ठाणेस गुन्हा नोंद करणेत आलेला आहे. सदर इसमाचा शोध सुरु आहे. सांगली जिल्हा पोलीस दलामार्फत सर्व नागरिकांना आवाहन करणेत येत आहे की, कोणतिही संशयित वस्तु अथवा इसम आढळून आल्यास त्याबाबत तात्काळ नजिकच्या पोलीस ठाणेस अथवा नियंत्रण कक्ष येथे संपर्क करुन त्याचाबत माहिती द्यावी. जिल्हा पोलीस दल या अनुषंगाने योग्य अशी सर्व खबरदारी घेत असुन कोणीही कोणत्याही अफवांवर विश्वास ठेवु नये.