अहमदनगर-राहुरी येथील वकील दाम्पत्य स्व.आढाव यांचे अपहरण आणि हत्ये प्रकरणी बोरीवली बार असोसिएशन तर्फे कामबंद आंदोलनाचा इशारा.. -

Spread the love

संपादिका – दिप्ती भोगल

बोरीवली :– अहमदनगर -राहुरी न्यायालयात (कोर्ट) वकील म्हणून काम करणारे ॲडव्होकेट श्री राजाराम आढाव व त्यांची पत्नी अडव्होकेट सौ. मनीषा आढाव या दाम्पत्याचें अपहरण करून त्यांची हत्या केल्याची विश्वसनीय बातमी आमच्या अडव्होकेट बोरिवली बार असोसिएशनला प्राप्त झाली.

ही अतिशय निदनिय घटना आहे. कायद्याचे अंमलबजावणी करणारे व रक्षण करणाऱ्या राज्यातील तसेच देशातील सर्व वकील बांधव यांच्यावर हा अन्याय होत आहे.

वकीला वरील ह्या घटना सहन केल्या जाणार नाहीत. आढाव दाम्पत्याची हत्या करणाऱ्या संबंधित आरोपीवर कडक शासन करुन त्यांना फाशीची शिक्षा द्यावी व कालकथित आढाव यांच्या परिवाराला आर्थिकदृष्ट्या साह्यय करावे तसेच वकील स्वरक्षण कायदा आतातरी आमलांत आणावा अशी मागणी बोरिवली ॲडव्होकेट बार असोसिएशनच्या वतीने करण्यात येणार आहे.

वरील मागण्याची अंमलबजावणी शासनाच्या वतीने करण्यात येत नसल्यास बोरिवली न्यायालयात काम बंद आंदोलन करण्यात येईल अशा इशारा बोरीवली ॲडव्होकेट बार असोसिएशनच्या मार्फत देण्यात आला आहे.

वरील विषयाचा बोरीवली ॲडव्होकेट बार असोसिएशन तसेच ऑल इंडिया फेडरेशन ऑफ ॲडव्होकेट ॲन्ड असोसिएशनचे अध्यक्ष श्री.रवि प्रकाश जाधव यांच्या तर्फे निषेध व्यक्त केला जात असून बोरिवली अॅडव्होकेट बार असोसिएशनची एक बैठक घेऊन पुढील नियोजनाची माहिती देण्यात येईल अशी माहिती बोरीवली ॲडव्होकेट बार असोसिएशनचे सेक्रेटरी ॲडव्होकेट सुरेंद्र लांडगे यांनी दिल्याची माहीती ॲडव्होकेट श्री अमर घोसाळे यांनी दिली.

तसेच “वकील संरक्षण कायदा” महाराष्ट्रात लागु करण्यासाठी मुंबईतील आझाद मैदान येथे महाराष्ट्रातील सर्व वकीलांतर्फे दिनांक २ फेब्रुवारी २०२४ रोजी राज्यव्यापी आंदोलन ऑल इंडिया फेडरेशन ऑफ ॲडव्होकेट ॲन्ड असोसिएशनचे अध्यक्ष ॲडव्होकेट श्री रवि जाधव आणि ॲडव्होकेट श्री.अमर घोसाळे यांच्या नेतृत्वाखाली करण्यात येणार आहे .