अकोला जिल्हा पोलीस अधीक्षक यांनी टोळीने गुन्हे करणारे २ आरोपी सलमान खान व शाहरुख खान यांना अकोला जिल्हायातुन २ वर्षाकरीता केले हद्दपार
सह संपादक -रणजित मस्के
अकोला
अकोला जिल्हा अंर्तगत टोळीने गुन्हे करणा-या गुन्हेगारी टोळ्यांवर आळा बसावा याकरीता पोस्टे, अकोट फाईल चे प्रभारी अधिकारी यांनी पो.स्टे. हद्दीतील टोळीने गुन्हे करणारे गुन्हेगार नामे (१) सलमान खान एजाज खान वय २५ वर्ष (२) मुजीब उर्फ शाहरुख एजाज खान वय २३ दोन्ही रा. सोळाशे प्लॉट अकोट फाईल, अकोला जि. अकोला यांचेवरील गुन्हयांची मालिका पाहता त्यांचे विरूध्द कलम ५५ महाराष्ट्र पोलीस अधिनियमान्वये अकोला जिल्हयातुन हद्दपार करण्याबाबतचा प्रस्ताव तयार करून मा. पोलीस अधिक्षक सा. अकोला यांचे कडे सादर केला होता.
त्या अनुषंगाने अनुक्रमे दि.२४/०७/२०२५ रोजी मा. पोलीस अधिक्षक सा. श्री. अर्चित चांडक जिल्हा अकोला यांनी नमुद गुन्हेगार यांना अकोला जिल्हयातुन २ वर्षाकरीता हद्दपार केल्याबाबत आदेश पारीत केले असुन नमुद ०२ गुन्हेगारांना अकोला जिल्हयातुन दोन वर्षा करीता हद्दपार करण्यात आले आहे.
अकोला जिल्हयात कायदा व सुव्यवस्था अबाधीत राहुन शांतता राहावी याकरीता अशा प्रकारचे गुन्हे करणारे व कारवाईस न जुमानणा-या सराईत गुन्हेगारांवर येणा-या आगामी सण उत्सव काळात प्रचलित कायद्यान्वये कारवाई करण्यात येणार आहे “असा इशारा जिल्हा पोलीस अधिक्षक श्री. अर्चित चांडक यांनी दिला आहे.
