अफू या अंमली पदार्थाची वाहतुक करणाऱ्या आरोपीवर पालघर पोलीस दलाकडून कारवाई..!
उपसंपादक : मंगेश उईके
पालघर.
पोलीस अधीक्षक पालघर श्री. यतिश देशमुख यांनी पालघर जिल्हयातील अवैध धंदयाचे समूळ उच्चाटन करणे बाबत सर्व पोलीस ठाणे प्रभारी अधिकारी व स्थानिक गुन्हे शाखा, पालघर यांना सक्त सुचना दिलेल्या आहेत.
मोखाडा पोलीस ठाणे हद्दीमध्ये दिनांक २१/०७/२०२५ रोजी ०२.०२ वाजताचे सुमारास पोहवा/९८४ शशिकांत भोये व पोअं/१५१५ बापु नागरे, नेमणुक मोखाडा पोलीस ठाणे हे रात्रौगस्त करीत असतांना मोखाडा-त्र्यंबक रोडने एक क्रेटा कार क्र. MP-09-CZ-6669 ही भरधाव वेगाने जात असताना आढळून आली. सदर कारचा नमूद पोलीस अंमलदार यांना संशय आल्याने त्यांनी पाठलाग केला. मौजे चिंचुतार गावचे जवळ नमूद कार चालक हा कारची चावी काढून अंधाराचा फायदा घेवून कार सोडून पळून गेला. सदर कारमध्ये चेक केले असता त्यामध्ये ७,८०,३४०/- रुपये किंमतीचा एकूण १११.४२० किलोग्रॅम वजनाचा अफू वनस्पतीचे सुकलेल्या बोडांचा चुरा व HR36-AC-2410, MH05-DS-2526 या क्रमांकाच्या बनावट नंबर प्लेट व ८,००,०००/- रुपये किंमतीची क्रेटा कार असे एकूण १५,८०,३४०/- रुपये किमतीचा मुद्देमाल जप्त करण्यात येवून त्याबाबत मोखाडा पोलीस ठाणे येथे गु.र.नं. ११९/२०२५ एन.डी.पी.एस. अॅक्ट १९८५ चे कलम १५ (क) व ८ (क), बी. एन. एस. कलम ३१८, मो.वा.का. कलम १८४ प्रमाणे दिनांक २१/०७/२०२५ रोजी अज्ञात आरोपीविरुध्द गुन्हा दाखल करण्यात आला आहे. गुन्ह्याचा पुढिल तपास हा सपोनि/प्रेमनाथ ढोले, नेमणुक मोखाडा पोलीस ठाणे हे करीत आहेत.
सदरची कारवाई ही श्री. यतिश देशमुख, पोलीस अधीक्षक, पालघर, श्री. विनायक नरळे, अपर पोलीस अधीक्षक, पालघर, श्री. गणपत पिंगळे, उपविभागीय पोलीस अधिकारी, जव्हार विभाग यांचे मार्गदर्शनाखाली श्री. प्रेमनाथ ढोले, पोउपनिरी/श्रीकांत दहिफळे, पोहवा/५६२ भास्कर कोठारी, पोहवा/भोये, पोहवा/कामडी, पोअं/बापु नागरे, पोअंम/पंकज गुजर सर्व नेमणुक मोखाडा पोलीस ठाणे यांनी केलेली आहे.
