मुंबई गोवा हायवेवर नडगाव हद्दीजवळ झालेल्या अपघातात दुचाकीस्वार अशोक पावशे ठार, तर इनोव्हा कार चालक फरार…

0
Spread the love

उपसंपादक-राकेश देशमुख

महाड:- मुंबई गोवा राष्ट्रीय महामार्गावर काल रात्रीच्या सुमारास एका दुचाकी स्वाराला इनोवा कारने धडक दिली. धडक एवढी भीषण होती की यामध्ये दूचाकी स्वाराचा जागीच मृत्यू झाला. अशोक हिरू पावशे वय 49 राहणार चांभारखिंड असे मयत झालेल्या व्यक्तीचे नाव असून मित्राच्या भावाचे लग्न उठणे कार्यक्रमाला नडगाव येथे मयत अशोक पावशे गेला होता.

अपघात घटनास्थळी महाशक्ती ॲम्बुलन्स अवघ्या दहा ते पंधरा मिनिटांमध्ये दाखल झाली तसेच सदरचा मृतदेह महाड ग्रामीण रुग्णालय येथे शवविच्छेदनाकरिता पाठविण्यात आला आहे.

इनोवा कारने जोरात धडक दिल्याने अशोक पावशे यांचा जागीच मृत्यू झाला तर इनोव्हा कार चालक मात्र आपली इनोव्हा गाडी घेऊन फरार झाला.

पोलीस या फरार इनोव्हा चालकाचा शोध घेत आहेत. महाड एमआयडीसी पोलीस ठाणे येथे सदर घटनेची अपघाताची नोंद करण्यात आली असून या संपूर्ण घटनेचा अधिक तपास सहाय्यक पोलीस निरीक्षक श्री मारुती आंधळे यांच्या मार्गदर्शनाखाली पोलीस हवालदार श्री राठोड हे करीत आहेत.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com

Leave a Reply

Your email address will not be published. Required fields are marked *