हळदीच्या पिकातून गांजाची लागवड करणाऱ्या शेतकऱ्याला हट्टा ग्रामीण पोलीसांनी केली अटक.. -

Spread the love

हिंगोली : दिनांक 1 डिसेंबर 2021 रोजी वसमत तालुक्यातील गुंडा शिवारात हळदीच्या पिकात गांज्याचं आंतर-पीक, ७६ किलो माल पोलिसांनी जप्त केला आहे.

हट्टा ग्रामीण पोलीस स्टेशनंच्या पथकाने छापा टाकून हळदीच्या शेतातुन 76.69 किलो गांजा जप्त केला आहे. जप्त केलेल्या गांजाची किंमत बाजारात ६ लाखांच्या घरात असून पोलिसांनी आरोपीला अटक केली आहे.

सविस्तर वृत्त असे की, गुंडा शिवारातील शेतकरी उत्तम मारोतराव भालेराव यांनी आपल्या शेतात हळदीच्या पिकामध्ये गांजाची लागवड केली असल्याची माहिती गोपनीय सूत्रांकडून पोलिसांना मिळाली होती. त्यानुसार दि. १ डिसेंबर 2021 रोजी हट्टा ग्रामीण पोलिस स्टेशनं च्या पथकाने घटना स्थळी छापा मारला असता हळदीच्या शेतात १४३ गांजाची झाडे मिळून आली.

याप्रकरणी पोलिसांनी शेतकरी उत्तम भालेराव याला अटक केली आहे. पोलिसांनी केलेल्या या कारवाईमुळे परिसरात खळबळ माजली असुन पुढील तपास हट्टा ग्रामीण पोलीस करत आहेत.