सोने, चांदीचे कण मिश्रीत माती चोरी करणारी आंतरराज्यीय टोळीला स्थानिक गुन्हे शाखेने ठोकल्या बेड्या, 10 लाख 39 हजार रुपये किमतीचा मुद्देमाल हस्तगत..!!
उपसंपादक – रणजित मस्के
नंदुरबार दिनांक 26/02/2023 रोजी सकाळी 11.00 वा. सुमारास श्री. यज्ञेश महेश सोनी वय-38 धंदा- सोनार डाय कटींग काम, रा. प्लॉट नंबर 17-24, वृंदावन कॉलनी, नंदुरबार यांचे नंदुरबार शहरातील शहीद शिरीष मेहता रोड, असोदेकर वाडा, जनक आभुषणच्या मागे असलेले श्रीजी दिपज्योती डाय कटर्स दुकानात त्यांचे वडील श्री. महेश कांतीलाल सोनी हे दुकानात एकटेच असतांना त्यांना बोलण्यात गुंतवून अनोळखी चार इसमांनी 3,50,000/- रुपये किमतीची 5 ते 6 किलो वजनाची सोनेमिश्रीत माती चोरून नेली म्हणून नंदुरबार शहर पोलीस ठाणे गु.र.नं. 174/2023 भा.दं.वि. कलम 379,34 प्रमाणे 04 आरोपीताविरुद्ध दाखल आहे.
दिनांक 21/03/2023 रोजी नंदुरबार जिल्ह्याचे पोलीस अधीक्षक श्री. पी. आर. पाटील यांना गुप्त बातमीदारामार्फत बातमी मिळाली की, श्रीजी दिपज्योती डाय कटर्स या दुकानातून सोनेमिश्रीत माती चोरुन नेणारे संशयीत इसम हे मारुती सुझुकी इटींगा वाहन क्रमांक GJ-03 LG-0907 हिचेने धुळेकडून नंदुरबारमार्गे गुजरात राज्यातील राजकोट येथे जाणार आहे अशी बातमी मिळाली. सदरची माहिती त्यांनी स्थानिक गुन्हे शाखेचे पोलीस निरीक्षक श्री. किरणकुमार खेडकर यांना सांगितली. स्थानिक गुन्हे शाखेचे पोलीस निरीक्षक श्री. किरणकुमार खेडकर यांनी तात्काळ एक पथक तयार करुन पथकातील अंमलदारांना सदरची माहिती सांगून संशयीतांना ताब्यात घेवून विचारपुस करून कायदेशीर कारवाई करणेबाबत आदेशीत केले.
स्थानिक गुन्हे शाखेच्या पथकाने नंदुरबार शहरातील धुळे चौफुली येथे बॅरीकेटींग लावून वाहनांची तपासणी करीत असतांना दिनांक 22/03/2023 रोजी 00.20 वाजताचे सुमारास एक पांढऱ्या रंगाची इटींगा क्रमांक G1-03 LG-0907 धुळेकडून येवून नाकाबंदीच्या ठिकाणी थांबली. वाहनातील इसमांना त्यांचे नाव गाव विचारले असता गाडी चालविणाऱ्या इसमाने त्याचे नाव ) विजय करसनभाई गोहील वय-40 रा. चुनारवाड, माजेवाडी दरवाजा, जुनागड पुढील सीटवर त्याचे बाजूला बसलेल्या इसमाने त्याचे नाव 2) प्रविण भिकुभाई दोडीया वय 39 रा. चुनारवाड, स्ट्रीट नंबर-2, आजी नदीच्या काठी, मफातीयापरा, भावनगर रोड, राजकोट ह.मु सापर, शांतीधाम सोसायटी, गोंडल चौफुली जवळ, राजकोट तर मागील सीटवर बसलेल्या इसमांनी त्यांचे नाव 3) विजयभाई जीवनभाई सोलंकी वय-37 रा. चुनारवाड-1, नदीका
काँटा विस्तार, लखाजीराज, उद्योग नगर, भावनगर रोड, राजकोट 4) जयदीप धिरुभाई चौहान वय-28 रा. गल्ली नंबर-5 वेलनाथ सोसायटी, कोठारीया रोड, राजकोट असे सांगितले.
ताब्यात घेण्यात आलेल्या संशयीतांना विचारपूस केली असता ते उडवा उडवीची उत्तरे देवू लागल्याने वाहनाची तपासणी केली असता गाडीच्या मागच्या सीटवर एक काळ्या रंगाची पिशवी आढळून आली. पिशवी उघडून पाहणी केली असता त्यात काळसर माती सोने, चांदीचे कण मिश्रीत आढळून आली, म्हणून 1) 4,00,000 रुपये किमतीची 8.388 किलो ग्रॅम वजनाची सोने, चांदीचे कणमिश्रीत माती, 2) 31 हजार रुपये किमतीचे 4 मोबाईल 3 ) 8200/- रुपये रोख 4 ) 6,00,000/- रुपये किमतीची एक पांढऱ्या रंगाची मारुती इटींगा गाडी नंबर GJ-03 LG-0907 व इतर मुद्देमाल असा एकुण 10 लाख 39 हजार 200 रुपये किमतीचा मुद्देमाल कायदेशीर कारवाई करुन जप्त करण्यात आला असून ताब्यात घेण्यात आलेले संशयीत आरोपी व जप्त मुद्देमाल गुन्ह्याच्या पुढील तपासकामी नंदुरबार शहर पोलीस ठाण्याच्या ताब्यात देण्यात आला आहे
ताब्यात घेण्यात आलेल्या संशयीत आरोपीतांनी महाराष्ट्रात व इतर कोणत्या राज्यात अशा प्रकारचे गुन्हे केलेले आहेत का ? याबाबत सकोल तपास करण्यात येत आहे असे नंदुरबार जिल्ह्याचे पोलीस अधीक्षक श्री. पी. आर. पाटील यांनी सांगितले.
सदरची कामगिरी नंदुरबार जिल्ह्याचे पोलीस अधीक्षक, नंदुरबार श्री. पी. आर. पाटील, अपर पोलीस अधिक्षक श्री. निलेश तांबे, नंदुरबार विभागाचे उप विभागीय पोलीस अधिकारी श्री. सचिन हिरे यांचे मार्गदर्शनाखाली स्थानिक गुन्हे शाखेचे पोलीस निरीक्षक श्री. किरणकुमार खेडकर, सहा. पोलीस निरीक्षक श्री. संदीप पाटील, पोलीस नाईक राकेश मोरे, तुषार पाटील, मोहन ढमढेरे, पोलीस अंमलदार किरण मोरे, राजेंद्र काटके, अभय राजपूत, आनंदा मराठे यांच्या पथकाने केली आहे.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
