मोटर सायकल चोरी करणारा अट्टल गुन्हेगार अजय अडणे स्था. गुन्हे शाखा, अमरावती ग्रामीणच्या ताब्यात..
सह संपादक -रणजित मस्के
अमरावती
आरोपीचे नाव अजय शालीकराम अडणे वय ३५ वर्ष, रा. तेल्हारा जिल्हा अकोला.
अमरावती ग्रामिण पोलीस घटकातील पो.स्टे. तिवसा येथे दिनांक ११/०७/२०२५ फिर्यादी नामे गजानन रघुनाथ देशकर वय ४० वर्ष, रा. सातरगांव ता. तिवसा यांनी तक्रार दिली की, दुपारी ०१.०० वा. दरम्यान सातरगांव शेतशिवारातील शेतातून सी.डी.डिलक्स मो.सा.क्रं. एम एच २७ ए.एन. ९१४४ ने जावुन मो.सा. शेताचे कडेला उभी केली असता, अज्ञात चोराने चोरुन नेली. अशा फिर्यादी यांचे रिपोर्टवरुन पोलीस स्टेशन तिवसा येथे अप.नं. ४३७/२५ कलम ३०३ (२) भा.न्या.सं. प्रमाणे गुन्हा दाखल आहे.
सदर गुन्हयाचा स्थानिक गुन्हे शाखेकडून समांतर तपास सुरु असतांना गोपनीय माहिती मिळाली वरील गुन्हयांतील मोटर सायकल चोरी करणारा आरोपी हा अजय अडणे रा. तेल्हारा जि. अकोला असुन तो सध्या सदर गुन्हयातील मोटर सायकल विक्री करीता अमरावती येथील इतवारा परिसरात फिरत असल्याची गोपनिय माहीती मिळाल्याने नमुद आरोपीचा शोध घेतला असता आरोपी नामे अजय शालीकराम अडणे वय ३५ वर्ष, रा. तेल्हारा जिल्हा अकोला. इतवारा परिसरात गुन्हयातील चोरीस गेलेली मो.सा. सी.डी. डिलक्स मो.सा.क्रं. एम एच २७ ए.एन.९१४४ सह मिळून आला त्यास ताब्यात घेवुन गुन्हयासंबधाने विचारपुस केली असता त्याने गुन्हयाची कबुली दिल्याने त्याचे कडुन सदर मो.सा. सी.डी. डिलक्स मो.सा.क्रं. एम एच २७ ए.एन.९१४४ कि.अ.१५०००/- रू ची जप्त करून नमुद आरोपीस जप्त मो.सा. सह पुढील योग्य कार्यवाहीस पो.स्टे. तिवसा येथे देण्यात आले आहे.
सदरची कार्यवाही मा.श्री. विशाल आंनद, पोलिस अधिक्षक, मा.श्री. पंकजकुमार कुमावत, अपर पोलिस अधिक्षक, अमरावती ग्रा. यांचे मार्गदर्शनाखाली निरीक्षक किरण वानखडे यांचे नेतृत्वात पो.उप.नि. मुलचंद भांबुरकर, पो.हवा. अमोल देशमुख, मंगेश लकडे, सचिन मसांगे, दिनेश कनोजिया, पो.हवा. सागर धापड, पो.कॉ. विकास अंजीकर, पो.कॉ. शिवा शिरसाठ, पो.कॉ. रितेश गोस्वामी, चा.पो.हवा. चालक संजय प्रधान यांनी केली.
