२ साथीदारासह फिर्यादीस मारहाण करुन बळजबरीने खिशातील १० हजार रुपये व आयफोन कंपनीचा मोबाईल हिसकावून घेऊन जबरी चोरी करणा-या महिला आरोपीस केले जेरबंद..
सह संपादक -रणजित मस्के
बुलढाणा :
तिचे ताब्यातुन रुपये 95,000 रु किंमतीचा मुद्देमाल केला जप्त स्थानिक गुन्हे शाखेची कारवाई
पोलीस ठाणे बदनापुर येथे दिनांक 30/06/2025 रोजी फिर्यादी नामे उध्दव निवृत्ती बनकर वय 38 वर्ष रा. सातेफळ ता. जाफ्राबाद ह.मु. देऊळगावराजा जि. बुलढाणा यांनी पोलीस ठाणे बदनापुर येथे फिर्याद दिली होती की, एक अनोळखी महिला हिने फिर्यादी कडुन QR कोडवर पाच हजार रुपये मागवून दोन अनोळखी व्यक्तीच्या साह्याने पुर्वतयारी करुन कट करुन फिर्यादीच्या स्कॉरपिओ गाडी मध्ये बळजबरीने घुसुन फिर्यादीस मारहाण करुन बळजबरीने फिर्यादीच्या खिशातील दहा हजार रुपये व अॅपल कंपनीचा आयफोन हिसकावून घेऊन घटना कोणाला सांगितली तर जिवे मारण्याच्या धमक्या दिलेल्या फिर्यादीवरुन अज्ञात एक महिला व दोन अज्ञात आरोपीतां विरुद्ध पोलीस ठाणे बदनापुर येथे गु.र.नं. 235/2025 कलम 309 (4) भा.न्या. सं प्रमाणे गुन्हा दाखल झाला होता.
त्यानुषंगाने दिनांक 11/07/2025 रोजी स्थानिक गुन्हे शाखेतील पोलीस अधिकारी व अंमलदार हे नमुद गुन्ह्यातील अज्ञात महिला व दोन अशातगुन्हेगारांचा शोध घेत असतांना गुप्त बातमीदारामार्फत व तांत्रिक माहितीच्या आधारे सदरचा गुन्हा हा महिला नामे 1) सपना संतोष निकाळजे वय 22 वर्ष रा. पांग्री उगले ता. सिंदखेडराजा जि. बुलढाणा. हीने तिचे दोन पुरुष साथिदार यांचे सह केल्याचे निष्पन्न झाल्याने तिस ताब्यात देऊन तिने गुन्हा केल्याची कबुली दिल्याने तिचे कडुन 15000 रु रोख ज्यात फिर्यादी कडुन QR कोडवर मागितलेली 5000 रु व फिर्यादीचे खिशातील बळजबरीने हिसकावलेले 10,000 रु रोख व 80,000 रु किंमतीची फिर्यादीचा एक iphone 15 मोबाईल व ओपो कंपनीचा मोबाईल असे एकुण 95,000 रुपये किंमतीचा मुद्देमाल जप्त करण्यात आला आहे.
नमुद महिला आरोपीस पुढील तपासकामी पोलीस ठाणे बदनापुर यांच्या ताब्यात दिले आहे.
सदरची कारवाई मा.पोलीस अधीक्षक श्री. अजयकुमार बंसल व मा. अपर पोलीस अधीक्षक श्री. आयुष नोपाणी, मा. उपविभागीय पोलीस अधिकारी उपविभाग जालना श्री. अनंत कुलकर्णी यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री. पंकज जाधव, सपोनि योगेश उबाळे, पोउपनि राजेंद्र वाघ व सोबत स्थागुशाचे अमंलदार गोपाल गोशिक, लक्ष्मीकांत आडेप, फुलचंद गव्हाणे, देविदास भोजणे, सागर बाविस्कर, सतिश श्रीवास, आक्क्रूर धांडगे, कैलास चेके, भागवत खरात,, चालक अशोक जाधवर व महिला पोलीस अंमलदार चंद्रकला शडमल्लु, कल्पना बांडे, कविता काकस, अरुणा गायकवाड, सत्यभामा उबाळे यांनी केली आहे.
