महाडमध्ये महामानवास 1066 प्रज्वल ज्योतींचे अनोखे भावपूर्ण अभिवादन… -

Spread the love

प्रतिनिधी- रेश्मा माने

महाड: मंगळवार दिनांक 6 डिसेंबर 2022 रोजी हा भारतरत्न डॉक्टर बाबासाहेब आंबेडकर यांचा महापरिनिर्वाण दिन मोठ्या उत्साहात साजरा करण्यात आला.

देशभरातच नव्हे तर संपूर्ण जगभरात या दिवशी या थोर महामानवास आदरांजली वाहून अभिवादन केले जाते.
ज्या महापुरुषाने समाजातील अंध:कार दूर करून सर्व स्तरातील उपेक्षित जनसमुदायास प्रकाशमय जीवन दिले त्यास कोट्यावधी जनसमुदाय या दिनाच्या निमित्ताने अभिवादन करून आदरांजली वहात असतो.

रायगड जिल्ह्यातील महाड हे बाबासाहेबांच्या पदस्पर्शाने पावन झालेले एक ऐतिहासिक शहर. या शहरातील दलित मित्र खांबे गुरुजी ट्रस्ट महाड तर्फे महापरिनिर्वाण दिनाच्या पूर्वसंध्येला पाच डिसेंबर 2022 रोजी रात्रौ ठीक बारा वाजता चवदारतळे येथील बाबासाहेबांच्या स्मारक परिसरात 1066 पेटत्या मेणबत्ती द्वारे रोषणाई करून अनोख्या पद्धतीने अभिवादन करण्यात आले.
यंदाचा हा 66 वा महापरिनिर्वाण दिन असल्यामुळे मेणबत्तीच्या साह्याने 66 अंक असलेली नेत्रदीपक ज्योतीची रोषणाई सर्वांचे लक्ष वेधून घेत होती.