लोणी काळभोर पोलीसानी महिलेचा विनयभंग, केलेल्या आरोपीच्या व२४ तासांचे आत न्यायालयात दोषारोपपत्र केले दाखल..

सह संपादक – रणजित मस्के

पुणे :

दि.१७/०३/२०२५ रोजी, एका इसमाने लोणी काळभोर पोलीस स्टेशन हद्दीत एका महिलेचा हात हातामध्ये धरुन तु मला सोडुन येथुन जाऊ नकोस, तु मला खुप आवडतेस, मी तुझ्यावाचुन जगु शकत नाही, माझेशी प्रेमसंबंध ठेव असे म्हणाला व पिडीत महिलेच्या मनास लज्जा उत्पन्न होण्याजोगे कृत्य केले. त्यावेळी आरोपीचा हात झटकुन पिडीत महिलेने त्यास धक्का दिला. त्याचा राग आल्याने आरोपीने फिर्यादीस मारहाण व शिवीगाळ करुन धमकी दिली. त्याबाबत लोणी काळभोर पोलीस ठाणेस पिडीत महिलेने दि.१९/०३/२०२५ रोजी फिर्याद दिली होती. त्यानुसार लोणी काळभोर पोलीस ठाणेस गु.र.नं.१३४/२०२५ रोजी बी.एन.एस. कलम ७४, ७८.११५ (२).३५२.३५१ (२) प्रमाणे गुन्हा दाखल करणेत आलेला आहे.

सदर गुन्हा दाखल होताच लोणी काळभोर पोलीस ठाणेकडील पोलीस उप निरीक्षक सर्जेराव बोबडे यांनी सदर गुन्हयाचा तपास अतिशय शिघ्रगतीने पूर्ण करुन आरोपी विरुध्द सबळ पुरावे संकलीत केले. तपासी अधिकारी पोलीस उप निरीक्षक सर्जेराव बोबडे यांनी अवघ्या २४ तासांचे आतच आरोपी विरुध्द सबळ व प्रभावी पुरावे प्राप्त करुन आरोपी विरुध्द मा. न्यायालयात दोषारोप पत्र दाखल केले. त्याचा कोर्ट केस नंबर १४११/२०२५ दि.२०/०३/२०२५ असा आहे. तसेच यातील आरोपीस दोषारोपपत्रासह मा. न्यायलायात हजर करणेत आले होते त्यामुळे मा. न्यायालयाने आरोपीस न्यायालयीन कोठडी सुनावली आहे.

महिला सुरक्षितता व महिलांना न्याय देण्याचे उदात्त हेतुने, महिला विरुध्दचे विनय-भंगांचे गुन्हयाचा तपास अतिशय शिघ्रगतीने पुर्ण करुन २४ तासांचे आत आरोपीसह मा. न्यायालयात दोषारोप पत्र दाखल करणे बाबत मा. पोलीस आयुक्त पुणे शहर श्री अमितेश कुमार, यांनी आदेश निर्गमीत केले आहेत. त्यानुसार पोलीस उप आयुक्त परिमंडळ ५ पुणे शहर डॉ. राजकुमार शिंदे, मा. सहा. पोलीस आयुक्त, हडपसर विभाग, श्रीमती अनुराधा उदमले, लोणी काळभोर पोलीस ठाणेचे वरिष्ठ पोलीस निरीक्षक श्री. राजेंद्र पन्हाळे यांचे मार्गदर्शनाखाली तपासी अधिकारी सर्जेराव बोबडे व दप्तरी पोलीस अंमलदार किशोर कुलकर्णी यांनी सदर गुन्हयाचा तपास २४ तासांचे आत पुर्ण करुन आरोपी विरुध्द मा. न्यायालयात दोषोरोप पत्र दाखल करुन पिडीत महिलेस न्याय देण्याचे दृष्टीने प्रभावी प्रयत्न केले आहेत.