पालघर पोलीस दलाकडुन पोलीस अधीक्षक कार्यालय येथे स्वच्छतामोहिमेचे आयोजन..!
उपसंपादक : मंगेश उईके
पालघर :-अभियान संचालक स्वच्छ भारत मिशन (ग्रा) राज्यपाणी व स्वच्छता मिशन यांचेकडील पत्र क्र. रा.पा.व स्व.मि/माशिस/०८२४/प्रक्र.१४/२०२४-२५ दि.१३.०९.२०२४, मा. मुख्य सचिव, महाराष्ट्र शासन यांनी दि.०९.१०.२०२४ रोजी दिलेल्या सुचना तसेच जिल्हा परिषद कार्यालय, पालघर यांचेकडील पत्र जा.क्र.पाजिप/पावस्व/माशिसं/६५८/२०२४ दि.०६.०९.२०२४ या पत्राचे संदर्भीय विषयान्वये सन २०१७ पासून “स्वच्छता ही सेवा” पंधरवडा स्वैच्छिकता आणि सामुहिक कृतीला बळकट करण्याकरीता साजरा केला जातो. त्यानिमित्ताने संपूर्ण देशात “स्वच्छता ही सेवा” (SBD) मोहिम दि.१४ सप्टेंबर २०२४ ते दि.०२ ऑक्टोबर २०२४ या कालावधीत राबविण्यात येत आहे. त्याअनुषंगाने राष्ट्रपिता महात्मा गांधी यांच्या जयंतीचे औचीत्य साधून दि.०२ ऑक्टोबर हा दिवस स्वच्छ भारत दिवस (SBD) म्हणून साजरा करण्यात येणार आहे.
त्याअनुषंगाने दि.०१ ऑक्टोबर २०२४ रोजी सकाळी १०.०० वा. ते ११.०० वा. या वेळेत जिल्ह्यातील सर्व विभागातील अधिकारी व कर्मचारी यांनी सकाळी कार्यालयामध्ये उपस्थित राहून कार्यालयाची स्वच्छता व कार्यालय परिसर स्वच्छता करून स्वच्छतेची प्रतिज्ञा घ्यावयाची आहे. त्याअनुषंगाने “स्वच्छता ही सेवा” (SBD) मोहिम अंतर्गत पालघर जिल्ह्यातील सर्व उपविभागीय पोलीस अधिकारी कार्यालये, सर्व पोलीस ठाणे, पोलीस मुख्यालय, पालघर येथे या स्वच्छता मोहिमेचे आयोजन करण्यात आले होते.
आज दि.०१/१०/२०२४ रोजी सकाळी १०.०० ते ११.०० वा. या वेळेत पोलीस अधीक्षक कार्यालय, पालघर येथे कार्यालयाची व परीसराची स्वच्छता करण्यात आली. याप्रसंगी बाळासाहेब पाटील, पोलीस अधीक्षक, पालघर, विनायक नरळे, अपर पोलीस अधीक्षक, पालघर, अनिल लाड, पोलीस उप अधीक्षक, आर्थिक गुन्हे शाखा,पालघर तसेच पोलीस अधीक्षक कार्यालयातील व पोलीस मुख्यालयातील पोलीस अधिकारी व पोलीस अंमलदार हे या स्वच्छता मोहिमेत सहभागी झाले होते. यावेळी सर्व उपस्थित पोलीस अधिकारी व अंमलदार यांना स्वच्छतेची प्रतिज्ञा देण्यात आली.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
