पोस्को महाराष्ट्र स्टील कंपनी CSR उत्कृष्टता पुरस्काराने सन्मानित…
प्रतिनिधी :-सचिन पवार
माणगांव रायगड :-माणगांव :-माणगांव तालुक्यातील विळे भागाड औद्योगिक क्षेत्रातील पोस्को महाराष्ट्र स्टील कंपनी सामाजिक बांधिलकीच्या भावनेतून शिक्षण, पर्यावरण, आरोग्य तसेच इतर कल्याणकारी उपक्रम सातत्याने राबवत असते तसेच आसपासच्या परीसातील स्थानिक लोकांचे जीवनमान उचंविण्यावर आणि सक्षमीकरण करण्यावर नेहमीच भर दिला आहे. एमिटी ग्लोबल बिझनेस स्कूल पुणे आयोजित CSR पुरस्कार २०२४, पुरस्कार सोहळा १६ एप्रिल रोजी पुणे येथे पार पडला यामध्ये सामाजिक क्षेत्रात उल्लेखनीय कार्य करणाऱ्या कंपन्यांना सन्मानित करण्यात आले. या पुरस्कारामध्ये सुमारे १०० हून अधिक कंपन्यांनी सहभाग नोंदवला होता आणि या पुरस्कारामध्ये पोस्को महाराष्ट्राची पहिल्या दहामध्ये निवड झाली होती. पहिल्या दहा मधील सर्व निवडलेल्या कंपन्यांना हा पुरस्कार देण्यात आला आहे.
एमिटी ग्लोबल बिझनेस स्कूल पुणे CSR पुरस्कार २०२४ चा हेतू व्यवसायांमध्ये सामाजिक जबाबदारीची संस्कृती वाढवणे तसेच अनुकरणीय CSR पद्धती प्रदर्शित करणे तसेच इतर कंपन्यांना प्रेरणा देणे आणि कंपनी प्रतिनिधींना समाजाला परत देण्याचे महत्त्व समजून देणे हा होता.पोस्को कंपनीने CSR उपक्रमांमध्ये कर्मचाऱ्यांना सहभागी करून घेतल्या बद्दल निवड समितीने कौतुक केले. हा पुरस्कार केवळ आत्तापर्यंत केलेल्या कामगिरीचीच कबुली देत नाही तर एक चांगला समाज निर्माण करण्याच्या दिशेने आमचा प्रवास सुरू ठेवण्यासाठी आम्हाला प्रेरणा देतो, अशी भावना यावेळी कंपनीच्या प्रतिनिधींनी व्यक्त केली.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
