रोड रॉबरी करण्याच्या तयारीत असणाऱ्या ५ पोलीस अभिलेखावरील आरोपींना ताब्यात घेवून त्यांचेकडून २ देशी चनावटीची पिस्टल, ४ जिवंत काडतुसे, २ लोखंडी सुरे व मोबाईल हॅन्डसेट असा ३,०३,२००/- रुपये किमतीचा मुद्देमाल हस्तगत.

उपसंपादक – रणजित मस्के

सातारा :- श्री. समीर शेख पोलीस अधीक्षक सातारा व श्रीमती आँचल दलाल अपर पोलीस अधीक्षक सातारा यांचे आदेशान्वये आमावस्येच्या अनुशंगाने सातारा जिल्हयात दि.१०/०१/२०२४ व दि.११/०१/२०२४ रोजी कोंबींग ऑपरेशन व नाकाबंदी नेमण्यात आली होती. त्या अनुशंगाने पोलीस निरीक्षक स्थानिक गुन्हे शाखा सातारा यांनी आदेशान्वये स्थानिक गुन्हे शाखेकडील सहायक पोलीस निरीक्षक रविंद्र भोरे, पोलीस उपनिरीक्षक पतंग पाटील व अमित पाटील यांचे अधिपत्याखाली पथके तयार करुन त्यांना गुन्हे प्रतिबंध अनुशंगाने सातारा शहरात पेट्रोलिंग करण्याच्या सुचना दिल्या होत्या.

नमूद पथके सातारा शहरात पेट्रोलिंग करीत असताना पोलीस निरीक्षक अरुण देवकर यांना त्यांचे विश्वसनीय बातमीदारामार्फत माहिती प्राप्त झाली की, राष्ट्रीय महामार्ग क्र.४८ चे खिंडवाडी ते शिवराज फाटा जाणारे सहिसरोडवरील वनविभागाचे इराडीमध्ये काही इसम हत्यारानिशी जमले असून ते रोड रॉबरी करण्याच्या तयारीमध्ये आहेत, अशी माहिती मिळताच पोलीस निरीक्षक अरुण देवकर यांनी पेट्रालिंग करणाऱ्या पथकास नमुद ठिकाणी जावून कार्यवाही करण्याचे आदेश दिले. पथके तात्काळ त्या ठिकाणी रवाना झाली, नमुद इसमांना पोलीसांची चाहूल लागताच ते अंधाराचा व झाडाझुडुपांचा फायदा घेवून पळून जावू लागले. पथकातील पोलीस अधिकारी व पोलीस अंमलदार यांनी नमूद इसमांचा अंधारात झाडाझुडूपात पाठलाग करुन त्यांना ताब्यात घेतले असता सदरचे इसम पोलीस अभिलेखावरील आरोपी १) अमिर सलीम शेख रा.मु.पो. वनवासवाडी ता. जि. सातारा, २) अमिर इम्तीयाज मुजावर रा. गोरखपुर पिरवाडी ता.जि. सातारा, ३) अलिम नजीर शेख रा. गोरखपुर पिरवाडी ता. जि. सातारा, ४) यश सुभाष साळुंखे रा.आय.टी.आय रोड मोळाचा ओढा सातारा, ५) अभिषेक उर्फ अबू राजू भिसे रा. काळे वस्ती निकीबंटस हॉटेलचे पाठीमागे मोळाचा ओढा सातारा असल्याचे आढळून आले. त्यांची अंगझडती घेतली असता त्यांचे अंगझडतीमध्ये २ देशी बनावटीची पिस्टल, ४ जिवंत काडतुसे, २ सुरे व ६ मोबाईल हॅन्डसेट असा एकूण ३,०३,२००/- रुपये किमतीचा मुद्देमाल मिळून आला. नमुद इसमांना या ठिकाणी कशासाठी आला होता हे विचारले असता त्यांनी रोड रॉबरी करण्याकरीता येथे आलो असल्याचे सांगीतल्याने त्यांचे विरुध्द सातारा शहर पोलीस ठाणे गु.र.नं.३३/२०२४ भादविक ३९९, ४०२ सह आर्म अॅक्ट ३, २५ अन्वये गुन्हा नोंद केला आहे.

श्री. समीर शेख पोलीस अधीक्षक, सातारा व श्रीमती आँचल दलाल अपर पोलीस अधीक्षक सातारा यांचे मार्गदर्शनाखाली पोलीस निरीक्षक अरुण देवकर, सहायक पोलीस निरीक्षक सुधीर पाटील, रविंद्र भोरे पोलीस उपनिरीक्षक पतंग पाटील, अमित पाटील, विश्वास शिगाडे, पोलीस अंमलदार अतिश घाडगे, संतोष सपकाळ, संजय शिर्के, विजय कांबळे, शरद बेबले, लैलेश फडतरे, लक्ष्मण जगधने, प्रविण फडतरे, अविनाश चव्हाण, गणेश कापरे, अरुण पाटील, अमित माने, स्वप्नील कुंभार, अमित सपकाळ, ओंकार यादव, मोहन पवार, विक्रम पिसाळ, विशाल पवार, रोहित निकम, पृथ्वीराज जाधव, सचिन ससाणे, वैभव सावंत, मयुर देशमुख, शिवाजी गुरव यांनी सदरची कारवाई केलेली असून कारवाईत सहभागी अधिकारी व अंमलदार यांचे श्री. समीर शेख पोलीस अधीक्षक, सातारा व श्रीमती आँचल दलाल अपर पोलीस अधीक्षक सातारा यांनी अभिनंदन केलेले आहे.

ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com