भिवंडीत लॉजमध्ये राहून, आयपीएल मॅचवर सट्टा लावणाऱ्या छत्तीसगडच्या ३ सट्टेबाजांना अटक
उपसंपादक- रणजित मस्के
ठाणे :– भिवंडीतील लॉजमध्ये राहून आयपीएल मॅचवर सट्टा लावणाऱ्या छतीसगडच्या तिघांना अटक करण्यात आली. ही कारवाई ठाणे पोलीस दलाच्या गुन्हे शाखा विशेष कार्य दलाच्या पथकाने केली. शानू ललित बेरीवाल (वय ३१ वर्ष व्यवसाय: ट्रॅव्हल्स, जिल्हा रायगड, छत्तीसगड), २) रजत बाबूला शर्मा, वय ३० वर्ष, जिल्हा रायगड छत्तीसगड), विजय सिताराम देवगन (वय ४० वर्ष, रा. जिल्हा रायगड, छत्तीसगड) अशी आरोपींची नावे आहेत.
भिवंडीतील हॉटेल के. एन. पार्क येथे छत्तीसगडचे ३ जण पुरूष आएपीएल मॅचवर सट्टा लावून जुगार खेळत असताना पकडले. सदर आरोपी यांनी आपसात संगनमत करून लॅपटॉपमध्ये ‘सुभलाभ’ नावाचे सॉफ्टवेअर मध्ये क्रिकेट मॅचवर जुगार/बेटिंग/सटटा खेळणारे व्यक्तीकडून घेतलेल्या सट्टयाची / बेटींगची माहिती भरून रियलमी पॅड टॅब मध्ये ‘ताज ७७७स्पोर्ट’ अॅप्लीकेशन वर आरसीबी व सनरायजर्स हैद्राबाद यांच्यामधील टी२० मॅच लाईव्ह बघून, सट्टा लावणाऱ्या इतर इसमाकडून ११,८६,८११/ रू सटटा/बेटिंग स्विकारली. तसेच रेड मी ९ कंपनीच्या मोबाईल मध्ये ‘सुपर असिस्टंट’ अॅप्लीकेशन मध्ये बुकी जानू, राहणार कोरबा, छत्तीसगड यांची १९ नंबरची बुकीची बेटींग लाईन घेवून तिच्यावर ७,०३,०००/रू.चा जुगार/सट्टा/बेटिंग लावले.
सट्टा लावून शासनाची दिशाभूल करण्याच्या उद्देशाने बनावट कागदपत्राचे आधारे सिमकार्ड घेवून शासनाची व मोबाईल कंपन्यांची फसवणूक केली आहे. सदर ०३ इसमांच्या ताब्यातून १२ मोबाईल फोन, ०१ टॅब व ०१ लॅपटॉप असे एकूण ०१,९७,४००/रू चा मुद्देमाल जप्त करण्यात आला आहे. म्हणून वरील नमूद ०३ इसम तसेच पाहिजे आरोपी जानू रा. कोरबा, छत्तीसगड यांच्याविरूद्ध कोनगाव पोलिस स्टेशन येथे (गु.रजि.क.५६१/२४ भा. दं.वि. कलम ४२०,४६५,४६७,४६८,४७१,३४ सह महा. जुगार प्रतिबंधक कायदा कलम ०४ व ०५) गुन्हा दाखल करण्यात आला असून यात तीन्ही आरोपींना अटक केली आहे.
सदर कारवाई पोलीस आयुक्त, ठाणे शहर आशुतोष डुंबरे पोलीस सह आयुक्त, ज्ञानेश्वर चव्हाण, अपर पोलीस आयुक्त, गुन्हे, पंजाबराव उगले, मा. पोलीस उप आयुक्त, गुन्हे, शिवराज पाटील, सहायक पोलीस आयुक्त राजकुमार डोंगरे, शोध २, गुन्हे शाखा, ठाणे शहर, सहायक पोलीस आयुक्त शेखर बागडे, विशेष कार्य दल, गुन्हे शाखा, ठाणे शहर यांचे मार्गदर्शनाखाली खंडणी विरोधी पथकातील मपोनि/वनिता पाटील, सपोनि / श्रीकृष्ण गोरे, सपोनि/भुषण कापडणीस, सपोनि /सुनिल तारमळे, पोउनि/विजयकुमार राठोड, सपोउनि / सुभाष तावडे, सपोउनि / कल्याण ढोकणे, सपोउनि/संजय बाबर, पोहवा/सचिन शिंपी, पोहवा/योगीराज कानडे, पोहवा/संजय राठोड, पोहवा/गणेश गुरसाळी, मपोहवा/शितल पावसकर, मपोशि/मयुरी भोसले, पोशि/तानाजी पाटील, पोशि/अरविंद शेजवळ, पोशि/विनोद ढाकणे चापोना/भगवान हिवरे यांनी केली आहे.
ताजी बातमी व जाहिरातीसाठी संपर्कः
मोबा.नं. 9920601001
info@surakshapolicetimes.com
diptibhogal@surakshapolicetimes.com
